Page 90 - AHATA

Comercio ta hopi importante pasobra SNBA ta un entidad comercial y pesey nan ta bay
bin cu e “Community Gardening” cu ta un cumbre hopi importante. Un summit a tuma
lugar, Hernandez a splica, pero no por a yega na e momento di tin un rapport completo
y e autorizacion di cada representante, pa por a presenta un extension y informacion

corecto di kico a sosode y kico lo bay sosode ni kico ta sosodiendo despues di e summit
aki.

E Community Gardening aki no solamente lo trece dilanti e 28 proyectonan pero tambe

informacion tocante kico lo ta e compromisonan cu a nace di e encuentro aki.

Andres Hernandez ta considera hopi importante pa pueblo di Aruba, y en particular pa e
comunidad di San Nicolas pa participa den e Community Gardening aki, y bin tende kico

ta kico. El a bisa cu SNBA ta trahando pa nan, pero nan mester di e apoyo y opinion di
e pueblo pa nan sigui dilanti.

Pa loke ta e aspecto comercial lo enfoca riba e 28 proyectonan cu ta bay crea trabao pa

e pueblo di San Nicolas, y e parti turistico. SNBA tin entendi cu 2.500 persona ta bay di
pariba di brug pa e parti pabao di Aruba pa traha.

E ta representa di cuater pa cinco ora di nan dia, y 20% di nan salario. Y desaroyo na

San Nicolas por trece cune un cambio grandisimo pa nan, ora cu nan ta wak
prosperidad na un refineria, unda hopi hende ta drenta y ta sali. SNBA ta pensando cu
refineria pero tambe sin dje, e desaroyo di e hotel ta bay trece e cambionan catalizador
di tur loke ta bay sosode pariba.

Andres Hernandez a duna di conoce cu SNBA tin cantidad di entrevista cu
comerciantenan cu kier estable pariba y hopi inversionista tambe. E dia di e Summit
tabata tin 9 inversionista internacional y 19 inversionista local.

Hernandez a mira esaki como algo hopi positivo, pasobra nan a kere cu nan ta bay
haya solamente dos inversionista local y hopi di pafo, pero el a bira contrario, loke
kiermen cu tin un futuro sigur pa pariba di brug.

E presidente di SNBA a menciona cu Aruba ta bay haya bek algun tereno cu e refineria
no ta bay uza mas, y tin diferente proposicion comercial pa e terenonan aki, entre nan