Page 26 - AAA

trata Brandweer, pa e ayudo cu el a brinda pueblo, pa percura cu nan casnan no a yena cu

awa. Unda cu nan por a yuda, tempran nan a haci esaki pa evita cu esaki a sosode.

Situacionnan

Hopi biaha cu ta bin dilanti ta e parti cu tin biaha bisiña no ta coopera cu otro. Nan ta

lanta cura sin tene cuenta cu otro. Esaki a cuminsa haci cambio caba. Durante varios aña

nan ta bezig ta bisa esaki den prensa pa asina e bisiñanan por coopera cu otro. Esaki a
cuminsa tin su fruto, unda cu nan ta bezig ta yuda. Ainda falta berdad, pero e ta bayendo

den bon caminda, unda cu nan ta yuda otro, pa asina nan casnan no yena cu awa.

Areanan afecta

Ponson a splica cu e areanan cu ta wordo afecta, ta esunnan cu ta yena cu awa, ora cu

awasero cay, ta bay e direccion eynan, cual ta Pos Abao, Madiki. Eseynan ta esunnan cu

ta haya mas awa, mirando cu nan ta den e pasada di awa bay abao. Awo tur dam ta yen.

Esey a catch e awa. E resto di awa, tur lo keda bay abao.

Kico tin cu tene cuenta cune

Si bo ta bezig ta haci cura limpi, no tira sushi den rooi. Bay tira esaki afo den dump. Tin
hopi hende no ta tene cuenta cu esaki. Nan ta bezig ta chapi y ta tira e matanan den rooi.

Tur esaki ta tene e awa di manera cu e ta cuminsa yena y ta yena paar di cas cu awa.

Esaki ta hopi di esaki a pasa. Por a wak esaki tambe na Rooi Afo. Tabata tin hende haci

trabaonan voluntario y percura pa saca tur sushi. Y cu e bon trabao di personal di DOW,

nan a logra saca sushi for di e rooinan pa asina e awa por sigui y evita cu e awa ta subi y

drenta den cas di hende.