Page 49 - MIN ON

Master” tabata un “pilot project”. Arens a bisa cu e proyecto aki a bay asina bon cu
Universidad di Aruba y STC a explora e posibilidad con start cu cursonan na Aruba. E idea
aki ta pas perfecto den e pensamento di Aruba pa bira un hub di conocimento. Pasobra
esaki ta pas den e idea di un Centro di Conocemento, Universidad di Aruba hunto cu STC y
den futuro cu posibel otro partnernan a papia riba e opcion pa ofrece aki na Aruba
estudionan di SCT, guia pa UvA. Ya tin un programa cla caba cu ta consisti di cursonan
cortico di un te cu tres siman. Aki profesionalnan di e mundo di logistica, riba nivel post
HBO por sigui desaroya nan mes riba p.e. tecnicanan nobo por busca e conocimento. STC
tin e conocimento aki y por pasa esaki pa otronan. STC kier brinda tambe e posibilidad pa
hendenan di region Caribense y Latino-America, por haci e estudio aki y no mester bay te
Rotterdam. Facil ta cu aki e idioma no ta un problema tampoco. Otro luna e prome
cursonan post HBO ta start y nan lo sigui cana durante henter aña”.
Arens a splica cu ta awor a cuminsa cu marketing di e curso, tambe e ta bay bin riba
website di Universidad y den corantnan local. “Loke ta masha interesante ta cu algun siman
pasa tabata tin un conferencia di embahadornan di e region aki na Aruba y mi tabata tin e
oportunidad pa papia cu e embahadornan riba e posibilidad aki. E reaccionnan cu mi a
haya tabata di hopi entusiasmo. Tur embahador a bin cerca mi despues pa bisa mi cu esaki
ta exactamente loke nan mester na Chile, Peru, Panama, Mexico y demas pais. Pasobra
cursonan asina no tin den e paisnan aki y tur e paisnan kier profesionalisa nan logistica y ta
en busca di posibilidadnan cu nos ta bay ofrece. Arens a conta cu den transcurso di otro
siman nan ta manda tur informacion di e cursonan pa e embahadanan y nan lo percura pa
e informacion yega cerca e sector logistica di e pais unda nan ta. Cu esaki nos ta spera di
por atrae studiantenan internacional pa e cursona. Cu diee participante nos por cuminsa
caba cu un curso y mirando e entusiasmo cerca e embahadornan, Universidad ta sigur di
por haya e dies prome participantenan hopi lihe.

http://masnoticia.com/universidad-di-aruba-ta-cuminsa-cu-cursonan-post-hbo-riba-logistica-
den-transporte/