Page 8 - AWEMAINTA

8 AWEMainta Diaranson, 9 Mei 2018

Segun Magali Brito

Pa fin di juni tin claridad riba e “bachi nobo” di Aruparking

TA practicamente un aña caba cu Gobierno a dicidi pa pone un paro
na e actividadnan di Aruparking, cu tur su consecuencianan.

E compania aki, completamente di Gobierno, ta depende exclusiva-
mente di entradanan cu nan ta ricibi di e parking, sea pa hora of es-

nan cu tin abonnement mensual. Magaly Brito, Presidente di SEPPA,

den un declaracion duna a bisa of a sigura e sindicato cu den cualkier
caso nan lo percura pa Aruparking haya e entradanan necesario pa

cumpli cu su empleadonan.
E sindicalista ta lamenta cu un aña a transcuri y ainda no tin ningun

claridad riba e situacion di e compania. Enbes di siguridad, ta sinti

un insiguridad mientras cu e compania a sigui bay atras, perdiendo
entradanan grandi. Tur esaki ta causa cu e trahadonan ta hopi demo-

tiva. Mirando esaki a pidi Gobierno claridad, di kico ta bay pasa cu e

trahadonan. Gobierno na inicio di aña a pidi tempo pa traha riba un
plan. Recientemente a reuni cu e Minister concerni, kende a bisa cu

nan ta casi cla y probablemente den dos siman di tempo por bisa kico

ta bay pasa of con lo bay atende cu Aruparking.
Brito a bisa cu si nan a bis’e cu Aruparking ta bay sigui existi, pero cu

Gobierno kier dun’e un bachi nobo y lo splica si e tarifa ta keda igual,
ta amplio e areanan di parkeo y con ta bay reparti e zonanan unda

ta bay cobra pa parkeo. Pa final di juni por tin claridad riba henter e

tema aki.
“E informacionnan aki ta trece un alivio grandi pa e trahadonan, pa-

sobra nos sa cu tabatin hopi malcontento riba e asunto di parkeo. Nos
sa cu tin hopi peticion a bini di comerciantenan tambe pa Gobierno

bin bek cu e asunto aki. Ta bay centro di Oranjestad pero no ta haya

luga di parkeo. No solamente pa e clientenan pero tambe pa esnan
cu ta haci negoshi rond. Pero nos ta contento cu ta bini claridad pa e

trahadonan, cu ta tata y mama di famia.”