Page 56 - MIN ECEM FLIP 17 JUNE 2017

Trabaonan di refurbishment caba ta andando: Na Juli -
Augustus mes e trabao ta bay cuminsa

Friday, 16 June 2017 20:24
Comparti

Alvin Koolman ta director di Refineria di Aruba (RdA). E tabata tey na un ocasion importante pa
loke ta firmamento di protocol entre Gobierno y Citgo.

E tin un helicopter view di henter e proceso. El a splica cu RdA ta un compania estatal, cu ta
mira e compliance di Citgo, no solamente di e contrato, pero ta mira tambe tur e desaroyo riba
e refineria. Tabata un milestone grandi cu e firmamento aki, cu e consorcio, pasobra awor aki e
trabaonan ta bay cuminsa. E parti di fieldwork, e trabao di refurbishment, ta hopi tempo caba
nan ta trahando riba dje. Awo ta yega asina leu cu nan a haya e idea kico mester wordo haci,
bin cun’e dilanti y awor aki trabao ta bay cuminsa.

Koolman a splica cu awo ta bay vigila di cerca cu si esey no pasa, no ta haya cu e resto di e
cosnan cu mester pasa pa e refineria por start.

Traha man den man

Ta contratistanan cu ta maneha e magnitud aki, riba 300 miyon. No ta contratista, ora ta trata
300 miyon, nan no ta papia cubo. Nan tin full un infrastructura con pa haci un proyecto asina y
con pa manehe. Esey ta parti di e consorcio. Loke nan mester pa haci e trabao, ta
contratistanan local. Hunto nan lo bay refurbish e refineria na ora pa e por cuminsa.

Movecion

Awor aki tin riba 400 hende trahando. Lo bay tin momento cu lo bay tin masanan di hende ta
drenta pa asina otronan tuma over. Cu e firmamento aki, ta un muestra cu trabao ta bay
cuminsa. Tin cu bay haci mas inspeccion, pasobra ainda e no a caba. Tin casi 250 contratista
local cu ta trahando di 14 compania y e lo sigui subi. Lo bay mira cu e Mancamp lo mester bin
caba. A cuminsa cun’e algun tempo pasa. Ora cu e Mancamp keda cla, por importa e otronan
cu tin mester, pa hunto cu e localnan por traha. Basicamente esey ta e face cu ta bay bin awo.
Cu e firmamento aki lo bay mobilisa e contratistanan principal, ingenieria ta bay cuminsa,
detail engineering ta bay cuminsa, aunke cu e planta ta existi caba. No ta tur cos ta wordo
100% haci pasobra ta un upgrader. Mester tur piesa, tur ekipo. Esey ta bay wordo poni den
detayenan. Asina e trabao ta bay cuminsa.