Page 25 - DIARIO 14 DECEMBER 2021 COMPLETO.indd
P. 25
DIAMARS 14 DECEMBER 2021 DIARIO PAGINA 25
Tambe cu homenahe na Angela Croes:
Fundacion Venezolanos en Aruba a clausura
2021 cu bunita fiesta di fin di aña
ORANJESTAD (AAN)—Diabierna ultimo, dia 10
di December, Fundacion Venezolanos en Aruba, bao
presidencia di señora Marllory Medina, a celebra su
fiesta di fin di aña, den un ambiente hopi bunita cu
rifa, wega pa mucha, musica cu ekipo si sonido, cu-
minda, refresco, etc., pa grandi y chikito.
E actividad aki a tuma lugar den e di tres piso di Palm
Beach Plaza Mall, cu gentilmente ta wordo facilita
na e Fundacion, pa organiza nan comedor popular.
Un bunita homenahe a wordo dedica na e cantante
Angela Croes, pa su 50 aña di trayectoria artistico.
El a wordo galardona cu un trofeo y un certificado di
reconocimento.
Marllory Medina a menciona den entrevista cu DI-
ARIO, cu tambe nan a haci entrega di paña y pa-
ketenan di cuminda pa famianan den necesidad, y
a otorga medayanan di plata y certificado na e da-
manan Heidy Mendoza, di e departamento di mucha,
cu ta atende desde su cas, cu mas di 100 hobencito
entre Noord y Santa Cruz unda e ta cushina tur dia
pa nan, y tambe na señora Will cu ta un dama hoben
cu ta yuda cushina na su cas y parti cuminda di Pos
Chikito te San Nicolas. Nan ta forma parti di centro
di acopio #3. Carina Bustamante a ricibi medaya di
bronce, ya cu ocasioalmente, e tambe ta forma parti
di e grupo di apoyo na e fundacion.
En total a entrega 20 certificado pa e personal di
apoyo, pa gradici nan pa nan aporte valioso y sosten
na e Fundacion Venezolanos Unidos en Aruba.
Finalmente, Marllory a duna di conoce cu dia 9 di
Januari 2022 e comedor popular di e Fundacion, ta
continua cu su bunita labor.
