Page 58 - ATA

Durante varios aña, keintura geel a wordo considera como un enfermedad causante di

epidemianan devastador, debi na su presentacion clinico cu ta bay for di un malesa di

keintura leve, te na un enfermedad hemoragico cu un 50% di letalidad.

E transmision di e keintura geel tabata un misterio pa ciencia durante varios siglo, te na e

aña 1881, tempo cu e Cubano Carlos Finlay a descubri e papel di e sangura Aedes como

transmisor di e virus di keintura geel. Despues na 1937, Max Theiler, di e Fundacion

Rockefeller, a desaroya un vacuna pa keintura geel, logrando asina desde e epoca eynan e

manera efectivo di preveni e enfermedad.

Actualmente na Sur America a reporta casonan confirma na Bolivia, Brasil, Colombia,

Ecuador, Guyana Frances, Peru y Suriname. Pero di acuerdo cu e informacion

epidemiologico di e Organisacion Panamericano di Salud (OPN), desde januari di e aña

aki, Brasil y Peru a notifica casonan nobo di keintura geel, posiblemente genera pa e

aumento susceptibel (personanan no vacuna) cu ta bishita e areanan aki unda e sangura ta

y e virus ta circulando.

E ministerio di Salud di Brasil a reporta 846 persona cu keintura geel, di nan 260 a fayece

durante dia 1 di Juli 2017 pa dia 6 di Maart 2018. Esakinan a wordo registra den e

estadonan di Sao Paulo (como luga probabel di infeccion di e area rural di e municipio na

Mairipora), Minas Gerais (Belo Horizonte), Rio de Janeiro (Valenca y Teresopolis).

Na Peru, na Januari, a notifica tres caso, tur di nan sin antecedente di vacunacion contra

keintura geel. E dos prome casonan ta coresponde na residentenan di e ciudad di Pucallpa

den e districto Calleria, provincia Coronel Portillo den e departamento di Ucayali, area

considera di riesgo pa keintura geel. Den e prome caso, un homber a fayece y na di dos