Page 23 - MIN ON

Diamars tin un programa di introduccion cortico. Diaranson y diahuebs lo tin e actividad

pa e studiantenan pa nan familiarisa nan mes cu e universidad, e edificionan, e estudio cu

nan a scoge. Tambe tin algun introduccion den nan. Nan ta siña conoce e facilidadnan

manera e biblioteca, e diferente otro facilidadnan cu tin, esunnan electronico, pa nan

drenta den e biblioteca electronico tambe y haci uzo di tur e otro servicionan cu

universidad ta ofrece e studiantenan.Riba diahuebs, na Playa, e studiantenan lo tin algun

actividad. Por ta hende por mira nan tambe riba caya e ora ta cana rond. Tin actividadnan
den cual cu Universidad ta organisa grupo cu grupo di studiante pa nan siña conoce otro

un poco. Ta un actividad social, pero tambe un actividad pa nan acomoda y cuminsa sinti

kico kiermen pa studia na universidad. Ki tipo di retonan nan ta topa eynan.Mas

studianteRector di Universidad di Aruba, Glenn Thode, a sigui splica cu e ta wardando pa

e cifranan. Manera cu e dianan di introduccion ta den full swing, e cifranan lo ta

completamente formalisa, kendenan ta studiante y no. Pero pa loke ta interes, mirando e

cifranan preliminario, a nota cu e interes pa un estudio nobo, manera Academic

Foundation year, ta un poco menos cu aña pasa. Pero ainda e grupo cu ta drentando ta

mas of menos similar na e grandura di e grupo di aña pasa. Por a mira cu e otro

estudionan ta rancando cantidadnan manera regular di otro aña. Pero tambe a nota cu e

cantidad di studiante internacional si a crece substancialmente. Pa e motibo ey, en berdad
nan a bin ta acomoda como 40 studiante adicional compara cu e añanan anterior, e

simester aki.UbicacionMayoria di e lesnan ta wordo duna na e edificio di Apex. Nan tin

un otro edificio cu nan tin na nan disposicion. Eynan tambe nan tin algun sala pa duna les

aden. Ta uza nan tambe. Ta asina cu mayoria di lesnan ta percura pa ta na Playa, pasobra

eynan tin e servicio di biblioteca y diferente otro servicionan tambe cu ta administracion

di cifra, etc., di estudionan ta eynan y e decanonan tambe ta sinta na Playa. E servicio pa

studiantenan internacional ta eynan acomoda. Mayoria di e servicionan ta eynan na Huize

de La Salle. Ta purba di concentra tambe mayoria di e lesnan ey banda.