Page 55 - MIN ON

ORANJESTAD(AAN): Nos ta bay ta den un aña escolar nobo. Lo ta importante pa
Telefon pa Hubentud, cu ta scucha hopi hoben, por tin un mensahe importante pa
e muchanan, pa cuminsa. Sherman Milliard ta un trahado social na Telefon pa
Hubentud y e ta splica cu tur aña nan tin un lista di diferente charla, topico,
proyecto cu nan ta ofrece e hobennan na Aruba.

Esaki ta algo cu nan ta mira un necesidad di dje, pasobra door di e yamadanan
cu nan ta haya na 131, cual ta e number cu tur dia nan por yama, entre 2’or di

merdia y 6’or di atardi. Nan ta haya hopi pregunta, preocupacion, cosnan cu
nan kier sa y diferente vooroordeel cu nan tin di diferente fundacion, Gobierno.

Tin diferente cos cu nan tin pregunta riba dje.

P’esey Telefon pa Hubentud ta haya informacion di nos hobennan, mester duna
bek. Esey ta loke nan ta haci door di nan proyectonan, door di nan charlanan,

cu tur aña ta bin cun’e, ta duna bek no solamente na e hobennan. Telefon pa
Hubentud tey pa e hobennan entre 8 te cu 24 aña. Pero no tey solamente pa
nan, pero tambe pa e maestronan, pa e mayornan cu tin e preguntanan y asina

tur hoben y ciudadano di Aruba por haya informacion con nan por guia nan
mucha, of e muchanan mes, con nan por cana e caminda cu nan sa caba con

nan kier cana, pero ta laga nan sa, cua otro opcion nan tin. Nunca Telefon pa
Hubentud lo huzga un persona. Nunca nan lo bisa un persona kico nan mester
haci. Ta laga nan wak e camindanan cu nan mes kier tuma y laga nan wak unda

e caminda ey por end up. Si nan ta kere cu e caminda ta pa nan, nunca no lo
bisa no cu esey ta malo of bon. Nan mes ta scoge nan caminda. Esey ta loke

kier pa e hoben bira mas autodependiente. Como fundacion si bisa e hoben kico
e mester haci, cada biaha nan mester keda puntra un persona loke nan tin cu

haci. Kier pa nan libera nan mente. Laga nan mes pensa e opcionnan cu nan
kier, con nan por tuma e bon pasonan pa yega e metanan cu nan kier. Esey

Telefon pa Hubentud, na prome luga kier haci pa e hubentud aki na Aruba.