Page 61 - MIN ON

AWEMainta Diabierna, 18 Augustus 2017 5

Milo Martes (POR):

Renobacion y

construccion

so no ta hisa

bo calidad di

enseñansa

TA bon cu scolnan ta wordo renoba te cu 2020 manera
ta e plan di renobacion di scolnan existente y construc-
cion di scolnan nobo. Pero e Gobierno actual no tin
solucion p’e cantidad di studiantenan cu ta wordo ubica
na sitionan peligroso y no adecua p’e proposito di un scol
durante renobacion di nan scol.
Tambe tin cu remarca cu durante renobacion di scolnan
no ta corda rib’e beneficionan salarial y secundario pa
cu e docentenan, segun Milo Martes.

Cu renobacion y construccion di scolnan so, bo no ta
hisa e calidad di enseñansa. P. e. ora un docente yega
cierto edad den enseñansa e no ta mira aumento ni ben-
eficionan adicional.
Ma locual si e ta haya ta mas trabounan administrativo
y clasnan mas grandi, Martes ta splica.
Solucion tin, p’esey POR lo bin cu solucionnan planifica,
structura y balansa, cu lo bay haci e diferencia pa cu un
enseñansa di calidad. Esaki POR tin como vision den su
plan di accion.

Un di mi metanan ta stop e malgastamento di placa na
huurmento di edificionan y otro localidadnan cu no ta
adecua pa scol. Dor di bin cu un doorstroom school,
manera p. e. edificio di JFK cu ya ta propiedad di Go-
bierno, asina Gobierno ta baha su gastonan na huur di
edificionan enormemente, Martes ta continua bisando.

E hecho cu e localidad aki ta uno central, lo bira mas facil
pa e studiantenan di barionan manera Noord, Paradera,
Hato, Tanki Leendert, etc. yega nan destino hopi mas
lihe, durante renobacion di nan scol y tambe esaki por
wordo uza pa Middag y Avond leergangen.

POR ta kere firmemente cu enseñansa ta e motor di
cualkier sociedad prospero y ta conduci na desaroyo
social y crecemento economico di bo pais. Cu POR den
gobernacion lo bo mira e diferencia, Martes ta termina.