Page 34 - DIARIO 26 NOVEMBER 2021 COMPLETO.indd

PAGINA 34 DIARIO DIABIERNA 26 NOVEMBER 2021

E di cuater 'Diabetes Run & Walk' a kibra record

cu casi 1000 participante

ORANJESTAD (AAN)-
Diadomingo, dia 14 di
november, dia internacio-
nal di conscientisacion
tocante diabetes, Botica di
Servicio y Medcare Clinic
a tene nan di cuater Diabe-
tes Run & Walk.
Un evento unda
participantenan por a
scoge diferente opcion di
careda of caminata, pasa
un rato ameno, y esnan cu
a completa esaki den me-
nos tempo tabata participa
pa gana premio. E evento
aki a kibra record door di
conta cu casi 1000 partici-
pante compara cu 750 par-
ticipante den 2019.
Nan ta contento di
anuncia cu nan a logra re-
cauda Afl 10,000 durante
e evento aki. E fondonan
di e evento aki lo wordo
dona na Fundacion Diabe-
tes Aruba (FDA) pa funda
e programa di prevencion
di diabetes, unda cu 30
participante lo ricibi coun-
seling semanal, training
for di un personal trainer,
y balornan fisico lo wordo
midi durante e programa
pa percura cu resultadonan
ta wordo mira.
Botica di Servicio,
hunto cu Medcare Clinic
kier a manda palabra di
gradicimento na tur e par-
ticipantenan cu a aporta na
e bon causa aki y a tuma
parti na un evento agrada-
bel y alabes beneficial pa
nan salud. Tambe nan kier
a gradici e sponsornan cu a
haci e evento aki posibel.
Otro aña Botica
di Servicio ta ansioso pa
tin un di 5 edicion di e
Diabetes Run & Walk mas
grandi ainda pa sigui con-
scientisa e comunidad di
Aruba tocante prevencion
di diabetes.