Page 52 - KPA MRT 1,2016

Homber riba bicicleta ta ranca tas di dama bay cun’e

on: February 29, 2016In: SucesoNo Comments
Print Email

Diadomingo, den careda di 5’or y 14 di atardi, Central ta dirigi patruya den Weststraat, na altura di
Fruteria Virgilo, caminda cu un dama tabata wardando riba nan den cuadro cu un ladronicia.
Eynan a papia cu e dama B., kende a declara cu e tabata bayendo den direccion pabao den
Socotorolaan, y yegando na cruzada cu Emmastraat, el a sinti cu un hende a manera ranca su tas
duro for di su schouder. Debi na e maniobra aki, el a cay abao. El a sigui bisa cu na e momento ey,
el a wak un homber colo cla, cu cabey preto, tabata tin su tas. Dicho homber tabata tin un short
bermuda color beige y un tshirt blanco y tabata tin un bicicleta cune. E muhe a declara cu e homber
tabata bayendo direccion pabao riba su bicicleta. Segun e denunciante, den su tas tabata tin su
celular, paspoort, paspoort di su yiu homber, su carchi di AZV, un carchi di banco di CMB, su ID,
carchi di pensioen y tambe 200 florin.
Un testigo no a mira loke a pasa, pero si a declara cu na momento cu e dama tabata abao na vloer,
cu un homber desconoci, a core bay riba un bicicleta color di oro.
E caso ta bao di investigacion.

http://masnoticia.com/homber-riba-bicicleta-ta-ranca-tas-di-dama-bay-cune/