Page 11 - WEB

4 AWEMainta Diasabra, 9 Juni 2018

N.V. Elmar abrasando innovacion y solucion tecnologico

DIARAZON ultimo, N.V. Elmar hunto cu e isla di Aruba
tabata e co-anfitrionnan orguyoso di e conferencia inaugural
di ICT Americas (ICTA) den Caribe.
Pa 3 dia, Hilton Aruba Caribbean Resort tabata e localidad
esencial di reuni p’e CEO, CTO y profesionalnan den IT/
Networking di companianan principal y internacional manera
Nutanix, W.I.T Intelligent Technology, Amazon, Arista y Palo
Alto Networks.

E conferencia a dura un total di 3 dia, cu N.V. Elmar y Aruba
como co-anfitrion y tabata funda pa John Maldonado, CEO
di W.I.T Intelligence Solutions.
Durante e evento aki di 3 dia, lidernan di e industria a: bin
hunto, network, presenta y intercambia ideanan p’asina bay
mas dilanti di e oportunidadnan.
Varios orador grandi a subi podium pa comparti nan
inovacionnan mas recien, tips y ideanan. Oradonan manera:
Entrenado tecnico mayor Wes Gruver di AWS Amazon,
ingeniero mayor di sistema Gustavo Sosa di Nutanix y N.V.
Elmar su lider di inovacion Ivan Ng.

N.V. Elmar tin varios aña ta traha cu Nutanix y W.I.T
Intelligence Technology y a hasta asigna un unidad special pa
ICT tecnology na nan oficina principal na Oranjestad.
Pa medio di e tecnologianan nobo, N.V. Elmar por a logra
introduci n’e isla; Smart Meters, luznan di caya cu Smart
LED, sistema prepaid di SmartUp y charging pa Vehiculo
Electrico Smart. Inovacionnan increibel cu lo destaca Aruba
ta cla pa hiba delantera cu IT technology and Development.

Segun sr. Maldonado a menciona den su introduccion: “Aruba
ta un di esnan mas avansa den Caribe pa loke ta tecnologia.”
Diarazon anochi a marca e comienso di e conferencia, cu
musica, bebida y pasaboca. Aunke, diahuebs mainta tabata
e berdadero comienso segun cu Nutanix a subi podium y
Gustavo Sosa hunto cu Willy Brun a papia tocante Nutanix
Cloud Enterprise.
Despues di e presentacion, un comite cu a inclui N.V. Elmar
su lider di inovacion Ivan Ng, Dagoberto Hernandez y Tabare
Alvarez di EdeNorte, a papia tocante e diferencia cu Nutanix
Technology a haci pa cada un di nan companianan.

E ultimo dia di e conferencia a resulta di ta tremendo, ora cu
Alex Spoov, Director Tecnico di W.I.T. y Entrenado Tecnico di
AWS Amazon, Wes Gruver a subi podium.
Wes Gruver a introduci e principal di Amazon su servicionan
den calculacion, storage, database y networking. E tabata e
prome biaha cu un orador di e compania multi-biyonario a
yega di papia den Caribe.

Otro topiconan importante di e conferencia exclusivo a
inclui: Seguridad cibernetico, atake riba data personal y e
regulacion recien di e GDPR na Europa. Asistencia tabata
solamente pa medio di invitacion y a resulta di ta un exito
grandi. N.V. Elmar ta gradicido pa por a ser co-anfitrion n’e
prome conferencia di ICTA den Caribe y ta desea ICTA hopi
mas conferencia exitoso den e añanan benidero.