Page 17 - awem solo sept 4

AWEMainta Diabierna, 04 September 2015 17

Patrick Vrolijk a participa na Seminario

“Gestion y Mercadeo Deportivo de las
Federaciones Nacionales”

FOR di Federacion Panamericano de

Levantamiento de Pesas, Aruba Amateur
Weightlifting Association a haya
invitacion pa participa n’e Seminario
“Gestion y Mercadeo Deportivo de las
Federaciones Nacionales”.
Esaki a tuma lugar den e ciudad di San
Jose, Costa Rica for di 20 pa 24 augustus
2015.
Pa Aruba a bay Secretario di AAWA, sr.
Patrick Vrolijk.
N’e seminario aki a participa 19
delegado di 18 pais y esaki a wordo
teni den e ballroom di Hotel Crowne
Plaza Corobici na San Jose.
Tur gasto di e delegadonan a wordo
cubri dor di Federacion Panamericano
de Levantamiento de Pesas.
E seminario a wordo duna dor di e
grupo di mercadeo BOD cu a bin for di
Spaña. N’e inauguracion di e seminario
tabata presente lic. Willian Ozuna,
President di Federacion Panamericano
de Levantamiento de Pesas, lic. Henry
Najera, President di Comite Olimpico
di Costa Rica, sr. Fernando Esquivel
President di Federacion de Pesas di
Costa Rica y e Ministra de Deporte di
Costa Rica sra. Carolina Mauri, kende
tambe a tira palabra di bon bini na tur
e participantenan.
Na final di e seminario tur participante a
ricibi un bunita diploma di participacion.
AAWA ta manda palabra di pabien na
sr. Patrick Vrolijk kende a participa
n’e Seminario “Gestion y Mercadeo
Deportivo de las Federaciones
Nacionales” na Costa Rica.