Page 22 - AWE180604
P. 22
22 AWEMainta Dialuna, 4 Juni 2018
The Ritz-Carlton, Aruba a celebra un exitoso siman
dunando aprecio na nan dama y cabayeronan
RECIENTEMENTE The Ritz-Carlton, Aruba a
celebra exitosamente su “Employee Apreciation Week”
p’asina gradici cada un di e dama y cabayeronan pa nan
desempeño y trabou remarcabel cu ta contribui n’e exito
di e compania.
Un celebracion cu tur e hotelnan rond di mundo cu ta
pertenece n’e cadena hotelero Marriott International ta
festeha durante mesun siman.
The Ritz-Carlton, Aruba como parti di e prestigioso ca-
dena hotelero aki tambe ta dedica n’e Employee Aprecia-
tion Week.
Dialuna dia 21 di mei, e apertura di e Siman di Aprecio a
kick start na un manera saludabel cu un ‘Mountain Biking
Tour’ y un divertido ‘Watermelon Eating Contest’. Un
siman continua cu sorpresa y aventura cu diferente activi-
dad cu e dama y cabayeronan por a participa p’asina dis-
fruta di nan “Employee Apreciation Week” cu un variac-
ion di actividad manera bowling, bingo, baking challenge,
paintball, nature walk den Parke Arikok, Catamaran Sail
& Snorkel, y un movie night hunto cu famia y amistad-
nan.
Diarazon dia 23 di mei a tuma lugar un actividad spe-
cial pa duna bek na comunidad di un forma sumamente
bunita y apreciable. The Ritz-Carlton Community Foot-
prints, Marriot Spirit to Serve our Communities, y Aruba
Marriott Care Foundation a bay duna un man na Scol
Practico pa Ofishi, St. Cruz, modernisando e bañonan di e
studiante y dunando nan gymzaal un estilo nobo y tambe
chapi pafor di e scol.
Pa clausura e grandioso siman aki e empleadonan di The
Ritz-Carlton, Aruba a participa den e evento ‘Beach Olym-
pics’ na Eagle Beach unda por a competi den teams pa dis-
fruta di un atardi agradabel y ameno riba beach, mientras
tanto construyendo team work na un manera saludabel.
