Page 4 - HOH
P. 4
PAGINA 6 DIARIO DIASABRA 16 NOVEMBER 2024
Best of the Best 2024 ta awenochi
Presidente di Aruba Taekwondo Federation ARTBO
a ricibi representante di PATU
ORANJESTAD (AAN): Master Moises Fernandez
Presidente di Aruba Taekwondo Federation a ricibi rep-
resentante di PATU na Aeropuerto.
Diahuebs varios personahe entre otro dos rep-
resentante di Pan American Taekwondo Union PATU y
dos referee Internacional a yega Aruba pa Best of the
Best.
Master Axel SanchezDirector di Referee y Mi-
embro di Technico di Pan American Taekwondo Union
“PATU”, Director Tecnico di Taekwondo Federacion di
Puerto Rico, Referee Olimpico Rio 2016 for di Puerto
Rico y Master Elvin Landrau RamosVice Presidente di
Caribe y Miembro di desaroyo di Patu, Presidente di
Taekwondo Federacion di Puerto Rico a bin Aruba pa ta
testigo y inspecciona Best of the Best 2024.
Diahuebs mainta e seleccion di Corsou hunto cu
Presidente di Taekwondo Federation di Corsou Master
Ellon Donker tambe a yega pa Best of the Best.
Presidente di ARTBO Master Moises Fernandez
a gradici tur hende pa acepta e invitacion pa Best of the
Best 2024 cu ta Diasabra awo den Centro di Bario Bra-
zil. Best of the Best ta cuminsa pa 9’or di mainta cu e pre
finalnan y pa 7’or di anochi cu e finalnan.
Brazil Taekwondo Stichting ta haci un yamada
na Pueblo di Aruba pa bin apoya e atletanan di Aruba cu
ta bay bringa contra e Paisnan Internacional.
