Page 6 - AM211111

6 AWEMainta .com Diahuebs, 11 November 2021

Pa prome biaha un specialista ta haya e reconocemento bunita aki

Dokter Caroline Becker ta empleado di luna na Hospital

Colega y famia a bini hunto pa sorprende e empleado di luna di oktober na Hospital. E
team completo a nomina dokter Caroline Becker pa sali empleado di luna y tur tabata hopi
contento ora a sucha cu ela wordo eligi tambe.
Pa Shahaira Geerman, Manager Poliklinieken, ta un orguyo cu e biaha aki un specialista a sali
empleado di luna na HOH. Caroline ta un persona sumamente amabel y como colega e ta
un team player cu por conta semper riba dje.

E ta un colega profesional cla pa scucha y purba ideanan nobo, pero semper teniendo na
cuenta e “patient experience” di tur cu ta yega na policlinica. Caroline ta gusta sigui siña
p’e crece den su ramo. Esaki e ta haci dor di bay congreso y e ta comparti e informacion aki
despues tambe cu su coleganan.

Aunke cu e ta hopi druk como specialista di pulmon y durante e pandemia di Covid-19 mas
ainda, e ta presenta na trabou y traha cu hopi placer. Cu un smile riba cara e ta duna un
extra man unda mester.

Sr. Jacco Vroegop di Hunta di Directiva di Hospital, a duna di conoce cu dr. Becker a traha
duro y sigur p’e ultimo aña y mey no tin palabra.

E ta un persona cu t’ey pa yuda, duna conseho. Tambe e dedicacion cu e tin pa pashent
ta algo cu no a bay sin nota. Vroegop ta orguyoso cu dr. Becker ta traha pa Hospital como
specialista paso e ta un colega ehemplar y dedica.
Dr. Bert Rodenburg, Internist-Infectioloog, a traha cu dr. Becker na diferente ocasion
specialmente durante Covid-19 den OMT (Outbreak Management Team). Loke ta bon di
Caroline ta cu e semper tin pasenshi y nunca ta rabia. Formando parti di e OMT, e ta yuda
tuma decisionnan pa cu nos siguridad na HOH y di e isla pa un mihor resultado pa por sali di
cada “wave” di Covid. Pero tambe semper ta cla pa yuda pashent cu ta su prioridad.

Durante e pandemia tambe sacrificando tempo di su mes y di su famia na bienestar di nos
isla y e pashent. El a traha incansabelmente na momento cu tabatin escasez di dokter, draai
extra shift y hasta riba dia liber contesta telefon pa yuda coleganan.
Dr. Becker a expresa di ta den shock y no a spera esaki mes. E ta sumamente contento y feliz
cu e detaye aki. Di ta empleado di luna a lag’e sinti contento, pasobra bo ta sinti aprecia
p’e trabou cu bo ta haci. “Mi bisa berdad esaki ta algo cu mi no a spera mes”, el a duna di
conoce.
Hospital y su team ta hopi orguyoso di tin Dr. Becker como un colega ehemplar y dedica.
Masha pabien Caroline!

ULTIMO DIA DI PAGO

E cobransa di coriente di september lo vence,
dialuna 15 di november 2021.

N.V. ELMAR ta recorda tur cliente pa
tene nan cuenta di coriente na ordo.

Pa mas informacion jama 523-7100 of
email customerservice@elmar.aw