Page 15 - MIN JUS

Accion cu ta tuma pa elimina auto confisca hopi biaha ta
destruyendo esaki

Thursday, 29 June 2017 21:04
Comparti

Minister Arthur Dowers a splica cu e autonan aki mester move un poco mas lihe despues di confiscanan
pa un of otro motibo. No tin un hende na e momentonan aki pero lo mester bay apunta un persona pa
administra
esaki corectamente na warda di Balashi. Ora cu esaki tuma luga, e lo mester sosode mas lihe. Awor aki
door cu ningun hende ta reclama e auto, e ta keda para. Mester yega na e sistema. Awor aki ta cuestion di
apunta un persona y e minister ta sigur cu e persona cu keda apunta, su salario ta keda paga door di e
autonan aki mes. Esey no mester ta un problema tampoco, si tin un discusion riba presupuesto cual lo
wordo saca. Si esaki tuma luga, hopi mas lihe cu e hende ta haya su auto bek of e hende no kier of no tin e
chens pa paga pa su auto. Awor aki, accion cu lo bin, ta un accion cu lamentablemente hopi auto lo sea
distrui of bende na hendenan cu ta uza nan pa parts. No tin otro opcion, como kiera cu hopi hende no ta
bin tuma e responsabilidad di nan auto. No ta descarta cu cierto di e autonan aki cu por ta hasta e
personanan a move for di nan riba caya, na momento cu a confisca nan, cu nan no ta ni e doño di e auto
of no tin e papelnan corecto di e auto y pesey no ta bin bek. Pronto lo anuncia tambe den medionan
skirbi, cu lo bay over na accion di distrui y deshaci di e autonan cu tin na e diferente wardanan di polis of
na warda di Balashi.
Benta
Esnan cu ta interesa por haci uzo di nan riba caya, una bes cu nan wordo bendi na findishi. Por cumpra
nan y uzanan basta cu drecha nan. Pero no por core cun’e riba caya. Tin cu tackle e y hibe na un garage
laga nan dreche te ora cu cumpli cu e rekisitonan legal cu por uze riba caya. Hopi biaha ora cu nan wordo
cumpra, ta pa piesa. Tin di nan cu tin daño y despues cu nan a para asina hopi tempo ta haya dañonan
substancial cu e no ta cumbini hendenan core cun’e. Na momento cu bay over na bende esaki, esun cu
cumpre ta bira doño di dje y por haci loke e ta haya ta bon cun’e, basta e no pone riba tereno publico. Si
pone riba tereno publico, sin cu e ta cumpli cu e rekisitonan legal, e ora polis ta confisk’e di nobo. E ora e
doño actual tin cu paga e gastonan di esaki.