Page 52 - MIN JUS

Dimas kier logra por lo menos 80% di permiso trata den 6
siman

Thursday, 29 June 2017 20:49
Comparti

Kathy Paskel, directora di Dimas ta splica tambe cu tin segun ley un termino di 12 siman pa atende cu
peticionnan en general, locual cu ta permisonan regular. Nan meta ta pa atende nan den un termino di 6
siman.
Nan no ta asina leu ainda cu nan tin e cantidad di porcentahe cu nan kier logra, cu ta 80% minimal. Pero
si ta logra esaki den 12 siman.
Esey ta canando. Si e porcentahe di negacion tambe ta halto. Esey ta trece cun’e cu tin hopi hende cu por
ta ta hayando un decision negativo, decisionnan cu ta sali na Hulandes y por ta nan ta bin y pidi
asesoramento pa lesamento di esaki. Of kier sa kico ta e proceso pa haci na momento cu no ta di acuerdo
cu un negacion.Esey ta e fluho di hende cu ta topa.
Tin hopi bezwaar na Dimas, riba promedio pa luna ta atende un 125 pa 150 bezwaar. E porcentahe cu ta
nengando a subi den e curso di añanan door di e cantidad di control administrativo cu ta ehecuta pa
verifica cu locual cu ta wordo pidi ta corecto.
Eynan ta wak den e parti particularmente di trabao y e servicio domestico cu a bin ta constata cu locual
cu ta wordo duna na Dimas y locual cu ta verifica via nan fuentenan di Gobierno, no tur ora ta cuadra.
Fuera di esey tin un situacion unda cu prome peticion particularmente di Venezuela, ta haya cu no por
valida locual cu ta carta di conducta. Esey tambe ta hiba cu e cantidad di negacion pa prome peticion pa e
pais en particular eynan ta hopi halto.
A base di kico
Ta considera e peticionnan aki, ta yega na un evaluacion negativo. E persona e ora ta haya un carta
specifico, indicando kico a constata y pakico no lo dun’e. Cada caso lo ta diferente.
Tin diferente situacion, segun Paskel. Por ehempel cu un hende a aplica pa un servicio domestico, lo
mester por comproba cu e tin un entrada a base anual riba 50 mil florin bruto. E por sostene esey cu
diferente medio. Su salarisslip. Ta pidi tambe un inkomstenverklaring di Departamento di Impuesto,
unda cu por mira cu el a haci declaracionnan di su entrada na e instancianan di Gobierno
corespondiente. Ta e intencion cu den e lunanan cu ta sigui y segun cu por bay over na e siguiente paso di
ta conecta cu diferente departamento di Gobierno cu lo reduci locual cu ta pidi e cliente pa busca pa
sostene su punto. Pero actualmente ta asina cu ta pidi den e lista di rekisito cu e persona mester sostene
esey cu un inkomstenverklaring. Den e caso cu e no haci esey, ta un motibo pa negacion. Locual cu por
haya tambe cu por ta e cas unda e persona ta bay keda, no ta apropia. Esey ta un motibo. Si e haci e
cambionan, den bezwaar por coregi esey. Ta haya tambe, e parti di verklaring omtrend gedrag. Eseynan
ta e motibonan mas comun cu awor aki ta nengando. Tambe ta haya den casonan di trabao cu ta pidi cu
e persona ta comproba cu e ta registra na e empresa ey na SVB. si den e caso cu e no ta registra eynan,
locual awor aki a baha masha hopi mes, tambe tabata un motibo pakico a nenga. Den e ultimo temponan
aki, e fluho di apelacion ta halto y e espera riba e contesta riba esey, consecuentemente tambe ta halto,
door cu akinan y na LAR mester atende cu un fluho hopi mas halto cu tabata custuma cune.