Page 64 - MIN JUS

Pa prome peticion e regla ta keda cu mester warda e permiso
den exterior

Thursday, 29 June 2017 20:52
Comparti

Kathy Paskel cu ta directora di DIMAS a splica cu e parti di prome permiso, tin diferente di nan cu ta
atende na Dimas. Nan tin permisonan di trabao, famia, rentenier, pa menciona algun.
Pa e parti di permiso di trabao, e regla ta pa warda e permiso den exterior. Esey ainda ta aplicabel. Na
momento cu bay controla y nota cu e persona ta na Aruba, esey lo por tambe cu por nenga e permiso. Pa
locual ta e otro cu ta e prome peticion si e ta wordo duna ainda, Dimas ta duna diferente prome peticion.
Pa rentenier, pa famia, depende si nan ta cumpli cu e rekisitonan. Pero tambe pa permiso di trabao, si e
ta cay den e categoria cu e por ta un excepcion, e mester yega Dimas y bin cu un declaracion, cual no tin
obhecion pa e subi pa loke ta e mercado laboral. Si e tin tur rekisito e lo wordo atendi. Y tin caso di prome
peticion duna tambe.
Carta di dispensacion
E carta di dispensacion ta algo diferente. Tin excepcion di minister a base di su maneho. E tin cierto
maneho di kendenan por acudi na Dimas sin cu mester di un previo toetsing di mercado laboral. Eseynan
ta yega na porta di Dimas di biaha y tambe tin esnan cu ta bin cu un carta di DPL, unda cu ta bisa cu e
conseho ta positivo pa e mercado laboral. Si den un caso particular, un mandatario a duna excepcion,
esey tambe e lo por somete como un prueba cu e por entrega e peticion. Pero esey no a wak’e ultimo
tempo aki.
Motibo pa negacion
Dimas ta haya personanan cu tin permiso pa trabaonan domestico ta trahando den pacus. Nan ta haya
nan den diferente manera, segun Paskel. Durante control ta topa e hendenan aki ta traha otro
camindanan cu permiso domestico. Pero tambe na otro manera, si ta controla y ta pidi pa un domestico y
ta hayabo inscribi na SVB, sa e ora cu e persona no ta haciendo e persona como domestico y por ta
motibo pa negacion.
E caminda mas facil pa haya un permiso
Awor aki por a mira cu esaki tabata algo un tiki dimas. E parti di permiso pa personanan domestico, tin e
atencion como keten y ta pensando y kibrando cabes riba dje tambe ta. Na un banda e ta provee den un
necesidad pa e hendenan di cual tin mama y tata trahando y e ora ta recuri na un servicio domestico pa e
sosten na cas. Pero tambe tin un situacion di embehecimento na Aruba, unda cu tin hopi hende cu no ta
den cas di anciano, pero ta prefera un cuido na cas. Entre e dosnan ey, tambe tin otro tipo di peticion cu
haciendo uzo di e facilidadnan cu a duna na e dos gruponan ey, ta haci un mal uzo di e permiso cu no cu e
intencion pa e hende traha como domestico y ta lage traha otro caminda. Na momento cu haci esey y
Dimas haya e dunado di trabao ey cu a tuma e persona den servicio, a actua contra ley y e lo wordo multa
y tambe e persona cu a para garante pa un persona, no cu e intencion pa traha cerca dje, tambe lo tin
consecuencianan pe.
E ta algo cu tin atencion di Dimas y ta bezig ta wak con lo por conseha gobierno riba esaki
apropiadamente.