Page 3 - hospitaal dec 29,2015

independiente y ta nan tarea pa bay husga kico a pasa. Y si tin eror cometi, kico mester haci pa
mehora e situacion.”

Loke e por bisa si ta cu ta hopi lamentable pasobra no tur cos, como dokter, por premira y e
dokter cu tabata trata e pashent, a combersa cune e siguiente mainta. E dokter a dun’e un relato
completo di loke a pasa. “Mi ta sigur cu e persona aki tambe ta lamenta tur loke cu a pasa e
pashent, pero honestamente e ta un dokter cu papia suficiente su idioma pa e comunica cu e
pashentnan na Aruba.”

El a enfatisa cu ta traha cu protocolnan internacional y ta purba di duna e cuido mas profesional
posibel y ta mantene nan mes semper na e standardnan halto di salud. Y ora cu cosnan no bay
manera mester y IMSAN ta tuma e pasonan, manera yama Polis y Inspeccion. “Nos ta hopi
transparente y no ta acepta cu hende ta mustra dede ora cosnan no ta berdad. Ora ta berdad, e
personanan concerni tambe mester para responsabel. Nan tin nan deber y mester sa con pa traha
cune,” dr. Ranjherc a trece dilanti.

Pa loke ta e situacion di e dokter envolvi, dr. Ranjherc a splica cu a analisa primariamente e
situacion y mira si por tin erornan grave cu a worde cometi. Si esey ta e caso a schors e
profesional inmediatamente. Den e situacion actual di e sucedido, e dokter en cuestion ta
bahando cu un par di dia liber, cu tabata programa caba, y a papia extensivamente cune, pasobra
ora cu algo asina pasa e mustramento di dede riba dje ta algo cu ta afect’e moral y eticamente
hopi mes. Principalmente ora cu ta husga prome cu haya e datonan oficial di kico a tuma luga.
“Esaki ta algo inaceptabel pa nos,” e director a duna di conoce.

Tambe dr. Ranjherc a bisa cu el a scucha hopi cos na radio y den social media di loke e famia di
e pashent ta demanda. E ta kere cu tur loke ta worde treci dilanti ta debi na e situacion hopi
emocional cu famia a pasa aden, y e ta un tragedia pa nan. Tur esakinan tambe ta worde entrega
na Inspectie pa husga realmente kico a tuma luga y ki medida mester worde tuma despues. “No
por hunga hues y ehecutador na mesun momento. Esey no ta mi tarea aworaki. Mester warda riba
e instancianan oficial pa haci nan investigacion.”

Un investigacion di e indole aki lo por tuma algun siman, pero nan tambe tin escasez di personal.
Pero nan lo haci nan maximo esfuerso pa haci e investigacion importante aki. A base di e
resultado lo tuma e paso necesario, pasobra awo e no ta hustifica ya cu no tin un resultado ainda.

http://www.diario.aw/2015/12/nos-a-entrega-tur-dato-na-inspectie-di-salud-y-nan-mester-haci-e-
investigacion/