Page 58 - MIN ECEM_Neat

energia, conversion di sistemanan tecnologico pa baha emision di CO2 y p’asina
mundo por bira un lugar mas sigur den decadanan nos dilanti.”

Eman a bisa cu pa hopi cambio di clima ta algo teoretico, pero cu no t’asina.
Mike Eman a conta di su biahe recien pa Sint Maarten unda el a keda masha

impresiona p’e situacion devastador cu el a encontra eynan, causa pa horcan
Irma.

“Ni un cas a keda sin haya daño, hospital, compania, scol y demas edificionan

tur a keda afecta. Tur splicacion cu nos a haya di tur hende cu nos a papia cu
nan, ta cu tin un corelacion directo entre e condicionnan malo di tempo cu ta
afectando mundo y cambio di clima.”

Eman: “Tur esaki ta indica claramente cu e responsabilidad cu cada un di nos

tin pa preserva mundo, ya no ta uno teoretico mas. Nos tin e responsabilidad
humano pa cuido e mundo cu nos Creador a duna nos.

Durante e ultimo añanan Aruba a acepta su responsabilidad pa loke t’e reto

enorme aki, aunke cu nos como isla chikito no ta produci tanto CO2 pa haci
daño na mundo, Aruba tin e capacidad pa bin cu cambionan cu por sirbi como
inspiracion pa otro paisnan grandi.

Ta pesey cu ora e proposicion di reapurtura di e refineria a bin dilanti, tabatin

un condicion hopi fuerte. Esaki tabata cu e refineria mester wordo limita den su
emision di CO2, dor di opera riba gas natural.

Pero tambe, cu si tin mes emision di CO2, cu nos lo crea tecnologia, podise

como frontrunner den mundo, pa recoge e CO2 aki”.

Eman a bisa cu e ta haya credito pa a pone e condicion, pero ta Minister de

Meza y su team negociador encabeza pa actual Minister Richard Arends ta
merece tur credito pa a convence e partnernan p’esaki por a sosode.