Page 77 - MIN ECEM_Neat

Sindicato a manda varios carta pa e minister di Transporte, sr. ing. Mike de Meza, pero
nunca nan no a haya niun contesta for di nan. Si nan a logra haya un reunion cu e
hunta di directiva, pero nada no a bin afo di e reunion. Enbes di cosnan drecha, ta pio e
cosnan ta birando.

No ta importa e posicion cu e dos trahadonan tabata tin na Aruparking, segun Sr. de
Cuba, ya cu no tin entrada mas. Ta un caminda di crus e trahadonan di Arubus ta cana
pa nan por haya nan periodiek, y si tin placa pa e trahadonan aki di lo mester tin placa

pa tur trahado.

Gobierno mester inverti den Arubus y bin cu un cambio den maneho. No ta un secreto
cu e busnan di Arubus ta den mal estado. Sindicato STA no ta acepta cu ta laga Arubus

sangra muri, pa despues pasa esaki den man di compinchinan.

Arubus ta haya subsidio di gobierno, e ta un transporte publico. Mester separa e tres
companianan aki for di otro, Aruparking, Arubus y Arutram. Si e situacion sigui asina,

tampoco lo no por negocia un CAO.

Faltando un siman pa eleccion, sindicato ta duda cu gobierno lo tin atencion pa e
situacion na Arubus actualmente.

http://www.diario.aw/2017/09/trahadornan-di-arubus-no-ta-kere-cu-un-solo-director-
por-maneha-asina-tanto-compania/