Page 25 - AWE MAINTA 17 JUNE 2017
P. 25
AWEMainta Diasabra, 17 Juni 2017 25
Judoka Isaac Croes a competi den e
Cancun Grand Prix 2017 na Mexico
E judoka Isaac Croes cu actualmente ta residencia na Merca
unda e ta combina su deporte y su scol a caba di representa
Aruba den e torneo internaxcional renombra di judo, esta e
Cancun Grand Prix 2017 na e ciudad di Cancun, Mexico.
Mester bisa cu e miho bringadornan di mundo den e de-
porte di judo a participa na e competencia aki y varios di
nan medayistanan den e ultimo Weganan Olimpico di Rio.
Prome cu Isaac a sali pa Cancun el a haya e posibilidad di
entrena cu dos seleccionado Mericano di judo, esta Lakea
Vargas -66 y Adonis Diaz -60 cu a invita Isaac p’e entrena
cu nan na Miami. Den e competencia na Cancun, 3 conti-
nente, 38 pais y 183 competidor a participa.
Coach di Aruba, Alexis Cardenas a guia Isaac Croes na e
campeonato aki.
Mester bisa cu dia 22 di juni e judoka Isaac Croes lo sali pa
Mexico City unda pa dos siman y mei e lo permanece den
un campo di entrenamento.
Luna pasa e hoben Isaac Croes a competi pa Aruba den e Pan
American Championship na Panama. Esaki tabata Isaac su
prome campeonato grandi pa 2017 y awor esun di Cancun
a bira su di dos. Ultimo informacion ricibi ta cu Isaac a cay
venci den su combate contra di un peleador di Mexico.
