Page 17 - AM200326
P. 17
Diahuebs, 26 Maart 2020 AWEMainta 17
Varios candela cendi dor di
hobennan baldadi di Sero Patrishi,
te hasta riba Watty Vos Boulevard
DIAMARS anochi Polis a bay Sero Patrishi
unda varios candela a wordo cendi. Cuerpo di
Bombero a pidi asistencia di Polis durante cu nan
a yega pa paga e candela.
Algun rato despues riba Watty Vos Boulevard di-
reccion rotonde nobo di Tanki Leendert, patruya
a topa un obheto na candela mey-mey caminda.
Mayoria di candelanan ta wordo cendi dor di al-
gun hoben (baldadi) di Sero Patrishi mes.
Barinan di sushi tambe ta wordo cendi. Esaki
ya tin varios anochi tras di otro pasando, pues
manera 9’or bati y Toque de Queda drenta na
vigor, mesora nan tambe ta ehecuta nan plan. E
hobennan aki, tampoco nan mayornan no ta wak e
peliger y mas cu claro no ta sigui ordo di Gobierno.
Si mañan Gobierno decreta Cuarentena general
pa 24 ora, nan lo kier rabia, pero e ora ey, lo nifica
cu tur, pero tur hende mester keda den cas.
