Page 25 - LOTTO
P. 25
manda un carta via su abogado mr. Anthony Ruiz pa Minister dr. Alex Schwengle
pidiendo pa e rectifica su ponencianan sino e ta hib’e Corte. Un ke otro tin di haber cu e
publicacion den cual e mandatario a rebiba e caso di Lotto pa Deporte, unda Edmond
Croes y su ruman Endy Croes kende tabata Presidente di e fundacion y despues a bira
director di e fundacion y awendia Candidato # 11 riba lista di MEP, tabata envolvi. E
mandatario a bisa den un comunicado cu e ta evaluando pa cuminsa e proceso civil pa
recobra e sumanan mal uza den e fundacion. E compania di accountant a saca afo cu ta 5
miyon florin Lotto a paga na companianan liga na e rumannan Croes, sin cu a cumpli cu
reglanan di “Good Governance” di e fundacion. Pero Edmond Croes ta haya cu despues
di tanto aña di insulto y difamacion cu ta basta y e kier pa Minister Dr. Schwengle
rectifica of e ta bay Corte. Te cu awe Gobierno no a rectifica tampoco, pues e 2 bez 24
oranan a pasa y no ta conoci si Edmond Croes lo demanda Gobierno. Su ruman,
candidato di MEP, si a bisa riba red social cu e no lo bay Corte sino lo prefera sigui
campaña. No ta conoci tampoco si Corte lo trata e caso aki prome cu eleccion ainda, si
acaso Edmond Croes scoge pa e caminda di Corte.
