Page 21 - AM220921
P. 21
Diaranson, 21 September 2022 AWEMainta Comunidad
Housekeeping Week na La Cabana
Beach Resort den luna di September 2022
ousekeeping Week a wordo agrega den e agenda celibatario anual na e
Hdi dos siman di September, pa asina duna staf y gerencia un oportuni-
dad pa gradici tur esnan den housekeeping pa nan esfuersonan den man-
tene tur cos limpi y nechi den e resort, pa e guestnan interno y externo.
Na mayoria di resort na Aruba e siman ta wordo celebra cu gran fanfar-
ia, specialmente na La Cabana Beach Resort & Casino, na unda cu henter
un siman ta wordo dedica na e heroenan tras di cortina di e departamen-
to. E siman ta yena cu un serie di entretenimento y eventonan bunita.
E aña aki, Housekeeping Week a inicia cu palabranan caluroso di aprecio for
di e Executive Committee y team di maneho, durante un delicioso desayuno,
cual a wordo disfruta pa tur miembro di e departamento. E siguiente dia a
inclui un mainta relahante den conference room, un desayuno chikito hun-
to cu un charla pa Belquis Moreu, enfocando riba inteligencia emocional.
E charla a conclui cu algun ehercicio di meditacion y rosea. Den e siguien-
te dianan, e Housekeeping Team a canta Karaoke, nan a eligi un King &
Queen, nan a wordo premia tambe y hunto a bay disfruta riba Red Sail
Sports Sunset Cruise. Un atardi cu premionan a finalisa e festividadnan
cu coronacion di Supervisor of the Year, Yolanda Caraballo, Housemen of
the Year, Eric Tromp, y Room Attendant of The Year, Micherlande Prophete.
Ganadonan a wordo selecta pa Housekeeping Management Team, basa
riba e balornan di e resort, specialmente pasion y consistencia, cual e tres
ganadonan a representa hopi bon. Bingo cu hopi premio, sigui pa hem-
chinan di aprecio y reconocemento, a hiba e celebracion na un final hopi
emocionante. Ban haci esaki atrobe otro aña!
21
