Page 9 - combined solo

Diarazon Januari 28 2015 Pagina 9

Unda avionnan ta bay pa scapa di e

tormentanan friu di winter? Aruba dimes!

Varios avion Mericano
a pasa algun anochi na

aeropuerto di Aruba

Publico en general por a tuma nota di varios avion
Mericano para na aeropuerto Diamars mainta. E bista
no comun aki a wordo ocasiona pa e tormenta pisa den
e parti noreste di Merca.
E tormenta di winter a azota
e parti noreste di Merca
dialuna afectando miyones
di persona y forzando e
cancelacion di hopi vuelo.
Viaheronan a encontra nan
mes den un situacion di
caos ora cu aerolineanan
a reacciona na e tormenta
cu e cancelacion di mas di
7500 vuelo te cu diarazon.
Di eseynan, por lo menos
3200 ya a wordo anuncia
for di diadomingo. Esaki
tabata tin su influencia
pa aeropuerto di Aruba,
pasobra debi na demanda
popular, varios aerolinea a
scoge aeropuerto di Aruba
como nan lugar pa pasa
anochi. Desde fin di siman,
aeropuerto ta trahando di
cerca cu e aerolineanan,
ATA y AHATA pa yuda
e pasaheronan cu nan
vuelo a wordo cancela pa
asina extende nan estadia
y organiza vuelonan
alternativo. Naturalmente,
e situacion ta depende riba
e disponibilidad di asiento
y tambe riba e pronostico
di tempo na Merca pa
waak si e vuelonan por bay
door of no. Actualmente,
vuelonan pa e parti
noreste di Merca ta wordo
spera pa continua desde
diarazon atardi y mayoria
di aerolinea ta avisa cu
nan ta spera cu tur cos
lo normaliza pa diasabra.
Aeropuerto di Aruba ta
conseha tur pasahero,
viahando pa of biniendo
for di e parti noreste di
Merca pa tuma contacto
cu nan aerolinea pa waak
si tin algun cancelacion
di vuelo y/of si tin orario
nobo di yegada of salida
di nan vuelo. Banda di e
pasaheronan cu mester a
keda Aruba, e tormenta a
crea un bista unico pa nos
na Aeropuerto di Aruba.