Page 29 - KPA DEC 4,2015

Pagina 10 Diabierna 4 December 2015

AWE NOS TA BENDE Despues di un persecucion:
RIFA NA MUNDO NOBO
Polis a logra detene un sospechoso
NA SANTA CRUZ di ladronicia di un auto di turista

Diahuebs madruga un
patruya atento riba e
caminda di Santa Cruz
pa ex-Drive Inn a nota un
auto Kia Picanto blanco
A49663, actuando masha
sospechoso mes riba
caminda. Mesora a bay
pa par’e pa control’e pero
e chauffeur a opta pa no
para y a primi trot bayendo
zuid. Aki ta unda a inicia
un persecucion y a solicita
refuerzo di otro patruyanan.
Na e cruzada di luznan
di trafico e sospechoso
a tuma direccion pa bay
pabao rumbo Oranjestad.

E persecucion a sigui y
na spiraal rotonde dilanti
airport a bay panort den
Avenida E.J. “Watty” Vos.
Na Cumana e sospechoso
a tuma rumbo pariba
direccion Santa Cruz.
Yegando e rotonde di Santa
Cruz e chauffeur a dal den e
acera dilanti di “Maggy’s”. E
sospechoso a perde control
y sigui straight bay dal riba e
acera na Plaza Betico unda
el’a core baha for di auto,
trompica, lanta y purba
sigui core pero otro polis a
logra gar’e. E sospechoso
a cuminsa lucha cu e polis.
Polis mester a usa forza pa
por a domin’e y control’e y
detene. Polis a confisca e
vehiculo y a bin sali na cla cu
esaki ta un auto V401 cual
un turista a huur. Despues
di a detene e sospechoso
y a hib’e na warda di polis,
mester a hibe na hospital
pa atencion medico debi
na e heridanan y golpi di e
caida.