Page 43 - MIN JUS

mr. van der Biezen ta di opinion cu na 2015- 2016 hopi tabata wordo papia den comunidad
cu nan ta haya cu castigonan ta mucho abao, vooral den casonan di abuso di mucha.

Organisacionnan ta bin dilanti cu firmanan y peticion pa bin cu castigo minimo. Esey ta un di
e puntonan, cu su persona como abogado, kico e partidonan awo tin pensa, pasobra cu
mester haci un escogencia pa cual partido bo ta bay deposita bo voto pe. E lo kier sa den
kico e partidonan ta pensa como profesional.

Na momento cu bin cu castigo minimo, bo ta eigenlijk limita e hues den su decisionnan. E
hues tin un margen di castigo pa kies. Aruba conoce un Algemene Minimunstraf na Aruba y
e pensamento pa bin cu castigo minimo, kiermen cu e hues tin menos choice pa scoge. Y
esey ta loke mr. van der Biezen ta interesa pa sa mas over di esaki.

Den parlamento tin varios abogado, mr. Desiree de Souza- Croes, mr. Andin Bikker, mr.
Evelyn Wever-Croes cu lo mester sa cu tin un bashi, pa un problema cu tin den e parti di
husticia.

Normalmente ora ta bay traha un ley, nan ta papia cu diferente comision, comision di
husticia, cu nan ta bay papia cu e Orde van Advocaten, leden van Straffelijk Hof. Pero den e
caso aki nan no a sinta y pidi advies di e orde van Advocaten, segun mr. van der Biezen.
Pero el a compronde cu nan a sinta cu huesnan aña pasa y huesnan a laga sa cu nan ta
haya esey un desaroyo no mucho bon, ya cu esaki lo limita nan den nan trabao pasobra cu
cada caso lo ta diferente. Na momento cu bin cu minimum straf.

Esey kiermen cu no ta nada, pa keda ariba e topico di abuso di mucho, pa a mishi cu e
mucha, of bo a penetr’e no tin castigo minimo. Tur esey hues tin cu tene cuenta cun’e.

Hues, eminentemente, su tarea ta pa evalua e circumstancianan. Den hopi di e casonan, bo
no sa kico ta e detayenan di e caso. Bo no sa si p.e. E persona door di menasa el a hay’e
den un situacion cu e no tabata tin otro opcion, e tin problemanan mental cu a hunga rol cu
ta haci cu e no por ta completamente responsabel pa su actonan y ta hunga un rol ora di
castigo.

mr. Patrick van der Biezen ta duna su opinion como un Young Profesional, y no na nomber
di e Ordo di Abogado. Abogado van Der Biezen ta haya cu e desaroyo lo limita e hues den
su trabao y esey lo no ta un desaroyo corecto. Na momento cu bin cu castigo minimo, si ta
un mucha homber di 20 aña cu tin relacion cu’n mucha muhe di 15 aña, e diferencia di edad
no ta grandi. Pero pa ley e ta castigabel.

Asina automaticamente e hues no por tene cuenta cu e circumstancianan ey, e ta hay’e cu e
mester impone e castigo minimo. Un di dos ehempel, lo ta den caso di un homber di 40 aña