Page 24 - MIN JUS

4 AWEMainta Diaranson, 13 September 2017

Awe ta net un aña pasa cu

Señora Chinees Sasha Wu a ser tira mata den su cas

Riba orden di su propio sobrino

AWE ta net un aña pasa cu tabatin un atraco arma
na Wayaca 67, unda un anti-social, un Boneriano, riba
peticion di propio sobrino di e victima a tira e señora
Chinees, Sasha Wu.
Un aña pasa, y te ainda Corte di Husticia no a trata e
caso aki ainda, solamente pro-forma.
E caso aki a shock masha hende y mas ainda, despues di
un bon trabao di Polis Investigativo a sa di soluciona e
caso aki, pa cual tin dos persona sera na KIA, sin sa ainda
kico lo bira nan castigo di prison.

E sobrino di Sasha Wu, tabatin un fabrica di ijs, cu
aparentemente no tabata bay bon y a dicidi hunto cu su
empleado pa comete un atraco pa haya placa. Awor e ta
bisa, cu e no a manda su empleado, e Boneriano pa mata
su tanta, pero djis pa spant’e pero awe e ta morto. Nos
di AWEMainta ta gusta bay bek den historia pa mustra
cuanto problema ainda tin, sin a ser presenta den Corte.