Page 11 - AHATA_Neat

12 INTERNACIONAL AWEMainta Diaranson, 10 Januari 2024

China ta impone sancion riba cinco fabricante

Mericano p’e benta di arma na Taiwan

omo contesta n’e reciente benta di arma na Taiwan di parti di Merca,
CChina a anuncia sancion na cinco fabricante militar Mericano, loke a

aumenta e tension entre ambos nacion. E medida, anuncia pa un vocero
di e Ministerio di Asunto Exterior diadomingo, ta subraya e actual dispu-
ta riba Taiwan, un isla democratico cu China ta reclama como su teritorio.

E aprobacion luna pasa p’e Departamento di Estado di Merca di un benta di
300 miyon dollar di ekipo di sosten n’e sistemanan di informacion tactico
di Taiwan, a desencadena e ultimo buelta di tension. China ta considera
e bentanan aki di arma un violacion di su soberania y interes di sigur-

idad, indicando cu ta mustra menasa pa paz y stabilidad den Taiwan Strait
(estrecho di Taiwan). Den e declaracion, e vocero a subraya cu e reciente
bentanan di arma ta mina gravemente e postura di China den e asuntonan
aki.

Entre e empresanan sanciona ta figura BAE Systems Land and Armaments,
Alliant Techsystems Operations, AeroVironment, Viasat y Data Link
Solutions. E respons di China ta implica e vriesmento di activo di e empre-

sanan aki y e prohibicion p’e companianan priva y organisacion Chines,
relaciona cu nan.

E acontecimento aki ta cuadra cu e proximo eleccionnan presidencial y

parlamentario di Taiwan, dia 13 di januari, caminda cu China a marca e
eleccionnan aki como crucial pa mantene paz of escala p’e conflicto. E

tensionnan geopolitico rond di Taiwan tabata

durante hopi tempo un polemica entre China
y Merca.

Te asina leu, no tabatin un contesta inmediato

di parti di e embahada Mericano na Peking n’e
decision di China pa impone sancion n’e fabri-
cantenan militar Mericano envolvi den e benta
di arma na Taiwan. E situacion ta añadi otro

capa di complehidad n’e balans delicado di e
relacionnan entre e dos potencianan mundial.