Page 12 - SOLO MRT 5
P. 12
Pagina 12 Diahuebs Maart 5 2015
8 di Maart 2015: DIA DI HENDE MUHER
Na 1911 “Dia Internacional di Hende Muher” a wordo reconoci y celebra pa prome biaha
internacionalmente. Esaki a sosode na diferente pais, e.o.: Alemania, Austria, Dinamarca,
Suiza y Merca. Hulanda a celebra e dia aki pa prome biaha na 1912. Como cu “Dia di Hende
Muher” tambe tabata celebra riba otro fechanan den diferente pais, ta te na aña 1922 a
scoge un fecha fiho, esta 8 di Maart. Asina mes a dura te 1975 prome cu mundialmente ta
declara Dia Internacional di Hende Muher riba e fecha di 8 Maart. Na 1978 Nacionnan Uni a
reconoce e fecha di 8 Maart oficialmente. Na Aruba a celebra, conmemora, reconoce Dia di
Hende Muher pa prome biaha na 1977.
Fundacion pa Hende Muhe den Dificultad
ta invita pueblo di Aruba pa bin celebra
dia di Hende Muher 2015 na nos sitio na
Primavera 1-b. Nos tin un Koffiemorgen
combina cu un Vlooienmarkt, cuminsando
pa 9‘or mainta y ta bay te ’or di merdia.
Tickets pa e koffiemorgen ta na Fls. 7,50. Y
ta obtenibel na nos oficina, tel. 583 - 5400 y cerca miembronan di directiva.
Pa vlooienmarkt tin: paña, buki, mata, cos di cas, curiosidades y mas.
Bin celebra e dia importante aki cu nos y alavez yuda nos fundacion pa
recauda fondo pa sigui cu nos meta, mision y vision.
