Page 62 - UPDATE MIN JUS JUNE 15

Aruba a asisti den operacion grandi di droga
di Hulanda

Posted on 06/15/2015 10:38 am AST | Updated on 06/15/2015 10:40 am AST

ROTTERDAM – Ministerio Publico a confirma na NoticiaCla.com cu Aruba tabata
envolvi den un caso grandi di droga internacional siman pasa, envolviendo un duanero
corupto. E caso principal mes tabata na Hulanda unda cu a logra gara un homber di 44
aña di Rotterdam, sospecha di traficacion di 300 kilo di droga na 2013. Relaciona cu su
detencion siman pasa, tabatin redada na 13 lugar internacional, incluyendo Aruba. Na su
detencion a tuma 365 mil euro y poco placa internacional den beslag.

ARUBA

Pa loke ta Aruba, vocero di ministerio publico Ann Angela a confirma solamente cu Aruba a
haya un peticion pa asistencia. “Nos a ehecuta e peticion aki. Fuera di esey nos no por bisa nada”
Angela a bisa, indicando cu e no ta caso di Aruba y no sa nada mas di dje. “Simplemente e
rechtshulpverzoek. Nada mas”.

CASO HULANDA

Hulanda mes a raporta esaki diabierna ultimo. E aresto preventivo di e traficante hulandes a keda
prolonga mientrastanto. Su casa tambe a keda deteni y ta sospecha di labamento di placa
procedente di crimen. E si a haya su libertad diabierna, pero ta keda sospechoso. E duanero mes
tambe ta deteni na april ultimo despues cu a gara por lo menos 400 kilo di cocaina scondi den un
container. Cu ayudo di e informacion di e duanero, a gara 2800 kilo di hennep den haf di
Rotterdam.

http://noticiacla.com/news/3178