Page 11 - bon-dia-aruba-20220802

A11
hende Diamars 2 augustus 2022

Comienzo di Summer Camp “Un Aventura Nobo” exitoso

Ayera tabata e comienzo di un siman di diferente aven-
tura pa e muchanan di Sabana Basora y bisindario na
Fundacion Centro Familiar Sabana Basora.

E fundacion tin varios ana ta traha pa e bienestar di e muchan-
an den e bario di Sabana Basora, Sabana Basora Noord y e
bisindario cu varios diferente actividad, evento y ayudo social
cu nan ta brinda ambos e muchanan y nan mayornan tambe.

Como parti di nan programa anual, unda cu ademas di trece
diferente charla, workshop y un traimerdia liber di costo, nan
ta organisa tur aña un Summer Camp completamente gra-
tuito pa e muchanan di e bario por disfruta di nan vakantie sin
tin ningun obstaculo lo preveni esaki.

Ayera tabata e comienso di e siman aki, cu e Summer Camp
titula “Un Aventura Nobo.” Nan lo trece un tema diferente
cada dia, asina hibando e muchanan participando riba un
“aventura nobo” tur dia. Cada dia lo tin su tema, y lo haci
diferente obra di man, weganan y charlanan relaciona cu e
tema aki, pa medio di colaboracion cu varios diferente instan-
cianan y fundacionnan.
E tema di e dia tabata mundo y e esunnan cu ta biba den dje,
cu e ayudo di Luna Foundation, a duna e muchanan informa-
cion tocante e bestianan di nos Isla, unda cu nan a siña kico ta
abuso di cachonan, con pa detecta esaki y con pa reporta esaki
tambe na e fundacion. Nan siña e importancia cu un mascota
tin y con pa cuida esaki di e manera adecua, ademas di a ricibi
bishita di un di e cachonan di e fundacion.

Tambe nan a usa nan creatividad, cu un obra di man unda cu
nan a crea nan mesun mundo, usando e conocemento cu nan
ta siña na scol combina cu nan creatividad pa nan expresa nan
mes di un manera educa y creativo.

Fundacion Centro Familiar Sabana Basora a expresa gradici-
mento na CEDE Aruba cu semper ta yuda brinda sosten na
e proyectonan cu e fundacion ta trece dilanti pa bienestar di
e muchanan, FCCA cu tambe ta presente den tur momento
pa apoya e proyectonan aki, y Super Food Plaza Cares Pro-
gram cu brinda nan sosten y apoyo incondicional pa por ehe-
cuta e Summer Camp di un manera exitoso. Tambe a expresa
gradicimento na tur e mayornan cu a trece nan yiunan y a
pone nan confiansa den e fundacion y laga e muchanan bin
comparti hunto den un ambiente sano.