Page 77 - MIN SOC

Djaluna 22 Febrüari 2016 39

Kontinuashon di pagina 6
LEI KU TA PROHIBI...

si e ta brinda entrada
grátis òf mester paga pa
drenta. Pa loke ta trata e
sitio e lei nobo ta bisa ku no
ta importá ki tipo di dak e
lugá tin ni ki tipo di muraya
tin.

E prohibishon ta konta
pa edifisionan di gobièrnu,
cafe, diskoteka, kafetaria,
bar, restorant etc. Tambe
sitionan ku ta brinda
enseñansa di tur nivel,
kasnan di kuido, áreanan
industrial, komersial òf
kaminda ta brinda servisio.

Kiko a hasi?
A duna informashon na
doñonan di establesimentu,
manera restorant bar,
kasino etc?
Sierto ámtenar lo tin e
enkargo pa hasi e kontròl
riba kumplimentu ku e lei.
Tin un but ku minister por
pone riba esun ku violá e lei
di te ku Fl 5000,-.

Kontinuashon di pagina 2
ABVO TA BAI PIDI...

ku e hendenan ku a haña
nombramentu lo mester
bula hopi mas ku dos skal
pa yega e skal den kua un
analista ta kai. Segun LMA
no ta posibel pa bula mas ku
dos skal.

Relashoná ku e kehonan
EXTRA a aserká direktor di
duana Jules Ilario. Den su
deklarashon el a splika ku e
kriterionan pa e funshonnan
tabata klaramente definí den
e vakatura. Un komishon a
hasi e selekshon despues di
a entrevistá e kandidatonan.
E direktor a splika EXTRA
ku a skohe e kandidatonan
ku ta mihó prepará durante
di e entrevista i ku por a
duna un deskripshon di
e kontenido di e trabou.
Kantidat di aña di trabou so
ni kantidat di diplomanan
so no ta e úniko kriterio ku
a uza ora a skohe e mihó
kandidatonan.

Na opinion di direktor
Ilario, e desaroyo aki ta
nifiká ku pa próksimo
proseduranan di selekshon
mando di duana mester bai
informá i prepará e personal
muchu mas mihó pa nan sa
kon ta prepará pa un proseso
di solisitut, pasobra esei
klaramente a resultá ku no
ta tur kandidato a prepará
bon pa e funshon, sa kiko e
ta kome i bebe.

Manera indiká kaba,
presidente di ABVO a bisa
EXTRA ku nan ta bai pidi
pa wak e vakatura i pa haña
klaridat di e eksigensianan.