Page 36 - MIN VOS_Neat

MEP a lansa candidatonan nobo
karel jeandor, roderich lopez y
arthur vallejo oficialmente

Published on May 2, 2017 in Politica
ORANJESTAD,Aruba

Manera lider di MEP Evelyn Wever-Croes a anuncia, e fin di siman aki e partido a lansa
mas candidato nobo. Nan ta Karel Jeandor y Roderich Lopez, mientras cu hunto cu nan
dr Arthur Vallejo a duna su discurso inaugural.Karel ta un persona conosi den
comunidad cu a sirbi den Cuerpo Policial pa 36 aña. Karel ta gosa di un aprecio y
respet grandi den comunidad, y a dicidi pa sirbi su pais pa duna su aporte pa hasi
Aruba mas sigur, y especialmente pa lucha pa nos pensionadonan, of manera e mes a
bisa, nos grandinan clasico. Den su discurso ela enfoca riba e areanan cu mester di
atencion pa nos grandinan, cu ta cuido medico y e aspectonan financiero di belasting y
prima di AZV.Karel a wordo acompaña riba escenario pa su esposa y su yiu, tambe pa
algun di su rumannan, y campañadornan. Por a nota cu e publico presente a gusta su
discurso, y e puntonan di atencion cu Karel a trese padilanti.Roderich ta un hoben
entrepreneur, cu tin su propio negoshi. El’a studia na Hulanda y despues di bolbe Aruba
ta dedica hopi tempo na nos hobennan y muchanan, aparte di su propio compania.
Roderich ta lidera Massive Brassband, y su trabou cu nos hobennan y muchanan ta
locual a inspira e y MEP pa tuma e paso aki den politica. Esey ela indica tambe den su
discurso inaugural, cu nos mester pone atencion na e cuido di nos hobennan.Roderich
a wordo acompaña pa su esposa, su Mama y su Tata pa e ocasion importante aki. Su
presentacion hopi espontaneo den publico a hala hopi atencion y a gana curason di
simpatisantenan di MEP.Arthur ta un hoben profesional, cu a studia kaar chirurgie,
ciruhia di cachete. Y apesar cu e como yiu di tera, no a haya e respaldo di AZV pa por
traha na Aruba, el’a persevera y awe tin su propio consultorio cu ta hopi exitoso, danki
na sosten di su famia. Su perseverancia, y especialmente su vision con pa yuda
mehora cuido medico na Aruba, tabata e factornan principal cu a inspira e y partido
MEP pa tuma e paso grandi aki. Y manera cu e mes a bisa den su discurso inaugural,
nos mester enfoca mas riba prevencion.Arthur a wordo acompaña riba escenario pa su
esposa, su mama, su tata sr. Carlos Vallejo, su ruman muher y su campañador, y
mester bisa cu simpatisantenan di partido a reacciona hopi positivo riba su discurso. E
tres prome candidatonan cu MEP a lansa a resulta di ta candidatonan fuerte, y mas aun
a wordo acepta cu brasa habri den un caluroso bon bini door di simpatisantenan di
MEP. Pabien MEP cu e lansamento aki.