Page 46 - MIN VOS_Neat

Atletanan di SYNCHRO a pasa nan Diploma

Saturday, 29 April 2017 21:14
Comparti

De Barracudas, cu e unico team di Landamento Sincronisa na Aruba, a bolbe tene nan
test pa Diploma. Cada aña na luna di September ta cuminsa cu un grupo nobo di
atletanan
, conosi como "Beginners" cu ta train 3 biaha pa siman bou guia di Coach Yami Romay
y Coach Nathania Taylor. For di principio cu e atletanan aki ta cuminsa, nan ta siña e
tecnicanan necesario pa por ejecuta e deporte aki na un bon nivel. Mas o menos cada
3 luna ta test e atleta nan y na unda nan por hanja e DIPLOMA STAR. E biaha aki
tawatin 2 atleta cu a pasa STAR 2, esta Sendy Loefstop y Naylani Sanchez, y 6 atleta
cu a pasa STAR 3, esta Zianthe Kock, Adriana Gomes, Mileishka Montilla, Quintessa
Sophia, Xiana Hoo y Maria Jose Salazar.

Sra. Stella Leslie, sra. Candi Peña De Sanchez y sra. Memita Tromp- Gomez tabata e
tres huesnan cu tabata tin e tarea difícil pa husga e abilidad di e atletanan .
Barracudas ta manda palabra di pabien na tur Beginner cu a ricibi Star 2 y 3. Alaves
desea tur e atletanan di Beginners hopi exito cu training pa e siguiente Star cu lo ta na
luna di Juni 2017. Tambe na luna di Mei tin e Campeonata National na unda e grupo
nobo aki lo competi pa prome biaha cu figuras y rutina! Keda pendiente pa mas
informacion tocante esaki.

Barracudas Aruba tambe a lansa su website cu tin tur informacion tocante di Synchro.
E website di Barracudas ta www.barracudasaruba.com

Pa mas informacion tambe por subi riba Barracudas Aruba su pagina di Facebook.

http://www.24ora.com/index.php?option=com_content&view=article&id=121306:atletanan-di-
synchro-a-pasa-nan-diploma&catid=3:deporte&Itemid=7