Page 5 - DIMP

a paga pa ta riba caminda. Nan no tin e pago completamente haci of nan tin e
pago na mita solamente. “Nos ta na October kiermen e pago di ful aña mester
ta haci caba pasobra e fecha final tabata na Juli ultimo. Kiermen nos ta na un
par di luna despues di e fecha final y ainda nos ta mira cu 4211 number ta paga
pa mita aña y 6886 cu no ta paga mes pa aña 2019”, asina vocero di SIAD Sra.
Romano a declara. E cifranan aki ta cai bao di en general kiermen tur e
categorianan hunto. Sra. Romano ta bisa cu e average aki ta un porcentage
hopi halto ainda mirando cu ya ta den e ultimo parti di aña 2019 y e fechanan
pa haci pago di belasting a pasa dia bieuw y ainda falta 11097 pago pa wordo
haci. Y pesey tambe departamento di impuesto ta bolbe haci un apelacion na
tur automobilista aki cu no a cumpli pa haci e pago pasobra djis aki aña ta bai
cambia y nan ta bai haya cu e “belasting jaar” 2020 y mester paga esakiby tur
hende sa cu no por paga 2020 si 2019 no ta paga. Kiermen e peso financiero ta
bai keda bira mas pisa pa e automobilistanan aki. Y mester remarca cu e
automobilistanan aki, esnan cu no a paga nada di 2019 nan lo bai tin un dos “na
heffings aanslag” aworaki riba nan nomber cu 50 porciento di boet. Kiermen si e
balasting pa aña ta 300 Florin nan tin 150 Florin di boet pa bai paga pa un total
di 450 Florin pa paga. Segun Sra. Romano esaki ta un gasto cu no tabata
necesario pasobra berdad por sosode cu un persona por haya su mes
financieramente den dificultad pa haci e pago pero dado momento e lunanan ta
keda bai y ta bon pa planea e pagonan sino e persona ta bai haye cu gastonan
extra sin cu tabatin mester. Alabez e automobilistanan aki ta core e risico cu su
polis haya nan riba caretera di Aruba nan lo bolbe haya boet kiermen cu mas
gasto ainda. Mester bisa si cu den e cantidad di 11097 persona cu no a paga
nan number di auto, tin cierto categoria toch cu ta resalta cu ta e categoria di
plachinan A. Sra. Romano a duna di conoce cu keda pospone e pago no ta
recomendabel. Pa loke ta e “na heffings aanslag” aki desde su introduccion,
berdaderamente el a haci un diferencia, akinan Sra. Romano a duna di conoce
cu na inicio di aña si el a haci diferencia y el a causa hopi critica pero awo
mientrastanto tur esnan cu a pasa aden pero toch ta haya “recidivistanan” cu a
pasa aden pero toch ta keda sin cumpli ta tin cu pasa aden atrobe. Pesey tur
ora Dept. di Impuesto ta emiti su comunicadonan pa pidi pa cumpli cu e
fechanan destina pa pago di impuesto di auto pasobra belasting tin su dealines.
Ainda ora di haya e “na heffings aanslag” e cliente ta haya un periodo pa haci e
pago pero si esaki pasa tambe e interes ta cuminsa core tambe pasobra esey
tambe ta bini aserca. Kiermen e cliente ta bai haye cu gastonan extra sin cu tin
mester. “Pesey tambe semper e ta recomendabel pa tene cuenta cu e fechanan
final. Belasting no ta algo cu por bisa cu otro aña e ta bai bira hopi mas of
menos pasobra e tarifa ta vast, kiermen tur hende cu tin un auto nan sa cu ta
300 Florin nan beslasting ta pa aña, nan por cuminsa planea nan finanzas caba
p’asina na comienzo di aña caba cuminsa prepara pa haci e pago”, asina Sra.
Romano a declara.

https://masnoticia.com/cantidad-di-numbernan-di-auto-sin-ta-paga-ta-hopi-halto-un-biaha-mas/