Page 3 - AWE1708

Diaranson 17 di August 2022

LOCAL
Parlamentario Lopez Tromp na

Landsrecherche pa mas cu 8 ora

yera den oranan laat di atardi
AParlamentario di partido MAS a sali
for di Landsrecherche, mientras cu pafo
ya caba tabatin hopi speculacion cu e lo
bay wordo deteni. Esaki sin embargo
no tabata e caso y el a sali bisando “mi
consenshi ta tranquil.”

E Parlamentario a yega e oficina di
Landsrecherche den su mesun auto y
durante henter dia su abogado tabata
presente pa, manera el a bisa, asisti
su persona den e parti huridico. Pafo
el a bisa cu tur cos tin di haber cu e
procedura cu tin andando unda cu
Landsrecherche a interoga director di
DIP Haime Croes.

E interogacion di e funcionario tabata
relaciona cu e procedura sigui den
otorgamento di tereno di huur. Como
cu den un periodo Lopez Tromp tabata
Minister encarga cu Infrastructura, a
pidie duna un aclaracion riba loke Croes

a declara. Esaki el a haci, momento cu e tabata na Hulanda,
por medio di un audio na Hulandes.

Funcionarionan di Landsrecherche mester a pone su splicacion
riba papel. Awe e mester a presenta na Landsrecherche pa
repasa tur loke el a bisa y cu si e tabata poni riba papel
manera cu el a bisa den e audio.

Esaki a tuma tempo pa motibo cu e mester a tuma tempo pa
repasa cada frase bisa den e auto y si e ta poni mescos riba
papel. Esaki ta loke cu a tuma hopi tempo. Si a skirbi algo
robes, mester a cambie pa despues e bolbe repas’e pa mira
si e ta bon. Marisol Lopez Tromp no kier a bisa si e tabata
eynan como sospechoso of testigo. A bisa cu e ta trankil y
su consenshi tambe y ta laga tur cos pa bisa na final di e
investigacion.

DIP Den pasado a interoga e director di DIP despues cu
autoridadnan a ricibi notificacion di cosnan no corecto cu a
tuma luga den otorgamento di terenonan di huur. A papia
e tempo ey cu a kita tereno di hende pa duna otro hende.
Drs. Marisol Lopez Tromp tabata Minister di Infrastructura 3