Page 2 - AM220826

Local AWEMainta Diabierna, 26 Augustus 2022

Entrada hudicial na dos cas na

Tanki Leendert y Paradera

roject Team Drugspanden ta un team cu

P a wordo lanta pa entre otro pa investiga
bendemento di droga for di un percela y ariba
caya.
En conexion cu un investigacion andando Project
Team Drugspanden a haci entrada hudicial na un
cas na Tanki Leendert y na Paradera.

A detene dos hende homber di

inicialnan: Y.C.S di 35 aña naci na
Guyana y J.O.G.O. di 31 aña naci

na Peru (descendencia Chines)
pa bendemento di droga for di e

percelanan menciona. Durante razzia

a confisca un cantidad di droga.

Entrada hudicial na un apartamento den cura di
un cas. Diahuebs algo despues 9or di mainta.
Un team di unidad di K9 di polis, team di aresto,

recherche y ministerio publico a drenta na e adres
aki. Hefe di recherche di Noord tambe a presenta
na e adres. Un buskeda basta largo y intensivo a
tuma luga.

Un di e detenidonan ta un homber Chines, cu ta
biba na Paradera, y no ta prome biaha cu e ta

haye den problema cu husticia pa bendemento di
droga.
Despues nan a bay cu e Chines deteni, na su
cas na Paradera y aki a bolbe haci un entrada
hudicial na e cas. Autoridad a baha e detenido y
a bay paden cu ne. Un rato despues nan a sali
bay cu ne, probablemente warda di recherche pa
interogacion.

Pueblo ta puntra y kier sa ki dia ta piki e grandinan.
Autoridad ta keda pone man ariba e chikitonan
manera ta wordo bisa na Hulandes “Mooi en
Alles”, pero ki dia ta piki e cabesnan e grandinan.
Ta masha hopi chikito a piki y no por bisa cu
ningun di nan a bisa pa ken nan ta bende etc etc
etc.

Manera nos a bisa anteriormente, ta hopi bon cu
ta combati bendemento di droga estilo di delivery.
Pero, na mes momento ta cargando hiba awa lama
debi cu e ta caba un ongoing project cu mester
yega na e cabes y esaki no ta refleha esey.

2