Page 16 - AVP
P. 16
Mientras Cu Ya Tin Un Susesor Pa Hensley Davelaar
– Dicon E Raad Van Toezicht No A Entrega Retiro
Ainda
Local
- 09/02/2020
Retiro di Director Hensley Davelaar, no a bin como un sorpresa, Conocedornan tabata sa
cu e mester bay, sigur despues cu Minister Otmar Oduber a baha dia 12 di december.
Hensley Davelaar tabata un “handpicked” Director, manera ta wordo bisa y awor a
demostra di no tin caracter como Director.
El a permiti pa Minister Otmar Oduber manipul’e, manera el a haya ta bon y pesey mes,
esaki tabata un di e motibonan pakico Ormar Oduber a dicidi di baha, prome cu a core
cune.
Pero e pregunta ta awe, dicon miembronan di Raad van Toezicht di Serlimar no a entrega
nan retiro ainda? Of nan ta wardando pa Minister drs. Marisol Lopez Tromp pidi nan
retiro, pasobra nan sigur tin hopi falta den e maneho hiba.
No por bisa cu nan no tabata sa, pero di nan silencio, a bira complice den maneho
devastador di Serlimar, cu awor ta rand di bancarota. Kier men, Raad van Toezicht tambe
tin cu bay.
