Page 37 - MIN ARENDS

Partidonan politico mester cumpli cu varios rekisito prome
cu nan por participa na eleccion

Tuesday, 18 July 2017 17:56
1

Comparti

Ora di caba di ricibi e listanan di partidonan politico tin un proceso cu tin cu cana di tur e nombernan pa
mira si tur cos ta OK. Naturalmente pa por ta un persona cu nan ta eligi, tin cierto rekisitonan pa ley cu
tin cu cumpli cun’e, segun presidente di Conseho Electoral, Glenn Thode.

Ta asina cu tambe banda di e hecho cu tin derecho di wordo eligi, e ora tin cu stipula como candidato, tin
rekisitonan tambe. Formalidadnan cu tin cu cumpli cune. Como e organonan aki, tin cu controla si tur e
formalidadnan aki ta cumpli cun’e. Despues di esaki, a ser cumpli cun’e, por stipula formalmente cu e
lista ta na ordo. Color di cada partido E color di cada partido tambe tin un discusion. Tin un berde, un
geel, tambe cora, cu aparentemente lo a join blauw. Tin yen di partido blauw. Cada ken kier su color. E
presidente a splica cu e color di partido casi semper, ora cu ta traha riba e listanan tambe, tin color. Ta
asina cu pa e eleccion, bo por haya un situacion camidna cu partidonan kier un cierto color cu por ta nan
ta sinti ta di un of otro forma, conecta nan of identifica nan como partido. Bo ta haya cu si dos partido tin
color mesun cos, nan lo ta anhela pa esaki. Bo por haya den e situacion cu en berdad tin cu scoge. Hecho
ta cu pa e colornan di e lista, ta un MB ta determina esaki. E MB lo mester sali e diabierna cu ta bay bin.
Ta un MB di prome minister. Den esaki ta stipula e colornan. Ora cu tin mas cu un partido cu ta claim e
mesun color, e ora esaki ta un lot lo determina ta cua partido ta hay’e. Identificacion Conseho Electoral ta
pa tur hende cu tin derecho di vota, pa nan controla nan rijbewijs bon y pa nan controla esaki tambe
banda di e datonan personal di nan, cu ta riba e registro di votador. Pasobra e dia di voto ta e nomber
riba bo papel di identificacion, e documento cu bo ta identifica bo mes y e registro, nan dos mester ta
exactamente mesun cos. Si tin un dato riba dje cu no ta mesun cos, no por acepta e documento e ora
como valido, pa verifica e identidad. A constata cu e rijbewijsnan tin un cantidad grandi cu ora a purba di
controla, a wak cu e datonan riba e rijbewijs no ta mesun cos cu e datonan den e registro di votador.
Esaki ta nifica cu hende cu kier vota, e recomendacion ta, busca un cedula cu e informacion por garantisa
cu e ta wordo saca for di e mesun fuente. E informacion lo ta bay ta mesun cos cu esun di registro di
votador, of bo paspoort, cu ta e mesun cos ta conta. Si ta asina cu e dia aki, un hende aparece cu un
rijbewijs cu e informacion no ta cuadra, tin cu neng’e como documento di identificacion. Discucion A
discuti cu e material di rijbewijs no ta legal y cu Gobierno a firma un MB pa esaki. Ley a stipula cu e
mester ta un documento valido y ta stipula cierto rekisito pa e documento. Bo mester cumpli cu e
rekisitonan legal pa e documento ta valido. E momento cu e documento no ta cumpli exactamente cu e
ley, bo por duda encuanto di su valides.