Page 14 - UTILITIES

E parti di Hospital Bieu te dia di awe ta un situacion delicado, na unda cu e edificio no ta duna mas
pa asina atende cu pashentnan debidamente. No ta un secreto cu Hospital tin diferente holo
desagradabel pa basta tempo.

Sinembargo E Arubiano por a compronde for di varios pashent cu ta mal contento y cu ta reinando
un holo straño den henter e gang di piso di operacion. Tambe E Arubiano por a compronde cu awe
mainta esunnan cu mester a opera no por a opera mirando cu esunnan cu ta traha den camber di

operacion a bira malo y na unda cu hasta tin di nan a cay flauw. Segun nos fuente ta un holo di gas
insoportabel y peligroso. Tur esunnan cu mester a opera a bay cas bek te cu un proximo aviso.

Mesora E Arubiano a tuma contacto cu vocero di Hospital , pero lamentablemente no a haya ningun
contesta y of informacion ainda. Pero si ta conoci cu personanan cu ta den hospital ta sintinan

disgusta cu un holo desagradabel cu hospital tin Actualmente den piso di operacion. No ta un secreto
cu Hospital for di basta tempo tin problema cu situacion di gas, pero no ta conoci si esaki a keda

atendi debidamente.

Loke cu tambe ta un realidad ta cu Aruba su crecemento ta exigi hopi mas y e camber di operacion
actual no ta suficiente pa e hospital y e poblacion di Aruba cu mester keda atende. Gobierno anterior
a bin cu un plan pa haci hospital mas grandi , pero di un manera of otro a lubida un camber di

operacion cu mester a bin urgente pa Aruba. Cu e ampliacion di e hospital cu ta na un prijs costoso
ainda Aruba no por depende di un bon hospital. Sinembargo minister actual di Salubridad publico a

bin hereda un situacion cu e mester atende y pone su granito pa pone Hospital den e cinco strea cu e
placa cu pueblo ta pagando pe. E Mandatario actual te na e momentonan aki ta haciendo su maximo
esfuerso pa atende cu loke ta e situacion cu e la hereda di e gobierno anterior.