Page 9 - MIN JUS 15 DEC 2015

Minister Arthur Dowers: Alcohol y core duro ta causa mas grandi di daño cometi contra
hende
Monday, 14 December 2015 20:21
Comparti

Mayoria di e danjo hopi grandi cu ta wordo cometi contra hende, ta wordo cometi bao di influencia di
alcohol y un di e otro aspectonan ta coremento di auto mucho duro. Asina minister Arthur Dowers a splica
durante entrevista despues di scucha e presentacion di dos stagiaire di Breda.
Cu un campaña asina aki di ta conciente, e risicio cu alcohol tin y alabes e otro aspectonan di risico den
trafico, nos trafico lo aumenta atrobe pa loke ta aspecto di siguridad. Ta mira un reduccion di cierto risico.
Sinembargo no ta satisfecho ainda. Ta kere cu por logra mucho mas ainda.
Minister Dowers a splica cu nan a cuminsa na 2009 manera cu a bin den gobierno a pone trafico como
prioridad y a cuminsa traha riba dje. Na 2011 a duna hopi atencion y e ministerio di husticia a contribui
na cierto campañanan y por bisa cu e tabata tin efecto. Por mira toch cu tin cu mantene e aspecto di
prevension e no tin efecto. Ta tende tur e aspectonan di duna stimulacion positivo.
E mandatario a splica cu Principalmente pa e aspecto di Relacionnan Publico ta interesante pa hende por
mira y bira conciente di e risiconan, pero e efecto mes, tin cu sanciona e comportacion fout y esey ta un
cos cu ta pone atrobe como prioridad pa e aña cu ta bin, cu lo bay dedica mas atencion na e aspecto aki.
Gobierno ta haci apelacion na comercio pa contribui. tin hopi hende ta haci propaganda pa coremento di
auto sin uso di alcohol. Sin embargo no por ta asina si cu ora ta haci un propaganda pa no usa alcohol, cu
ta pone alcohol mes den e propaganda. E ora e ta bira un verkapte propaganda y no mester di esey. Mester
di propagandanan cu ta bisa cu si ta usa alcohol, no stuur auto y bisa kico ta e risiconan y pa sostene e
campañanan a largo plazo. Campañanan cerca hobennan etc. Si uni forsa, lo bay tin un efecto mucho mas
grandi cu tin na e momentonan aki, segun minister di Husticia.

http://www.24ora.com/politica-mainmenu-18/103189-minister-arthur-dowers-alcohol-y-core-duro-ta-
causa-mas-grandi-di-dano-cometi-contra-hende