Page 30 - FDLP

Tambe ta planea hunto con por modifica leynan pa atende diferente di e temanan problematico na e mihor
manera. Asina a trata e biaha aki den profundidad e tema di Siguridad, Delincuencia Organisa y Terorismo. A
bin cu presentacion y cifranan mundial di Nacionnan Uni. A hiba debate extenso riba modelonan mas moderno
pa combati y frena esakinan. Hopi debate interesante.

Durante e reunionnan aki Parlamentario Endy Croes kende a representa Ady Thijsen kende tabata den un otro
Congreso a logra cera conoci cu Embahador di Reino na Panama Jurriaan Middelhof y a combersa bastante

riba temanan pa futuro cercano cu conhuntamente nos lo kier logra. Jurriaan tambe tin e drive pa logra cosnan
grandi pa e islanan a traves di Panama y nos mester probecha di e oportunidadnan aki cu ta presenta y traha
hunto pa por cristalisa algun logro den corto tempo.

Tambe Endy Croes hunto cu Eugene Cleopa, vice presidente di Parlamento di Corsow y Griffier Cijntje di

Corsou a probecha un reunion separa cu Samira Rafaela, Parlamentario Europeo di partido D66 kende tabata
den e delegacion Europeo na Panama, unda a toca entre otro e relacion cu Hulanda.

Finalmente Parlamentario Endy Croes a hiba un combersacion interesante cu Minister di Relacion Exterior di
Panama Alejandro Ferrer. Alabes a ricibi un invitacion di Minister Alejandro Ferrer pa un Coctail na el
Pabellon Francisco Javier Junguito del Ministerio de Relaciones Exteriores. Mester remarca esaki a tuma lugar
den un sala masha bunita cant’i lama. Aki a bolbe combersa bastante cu Minister Alejandro Ferrer
intercambiando idea y posibilidadnan unda durante e combersacion aki a resulta cu e Minister aki tin hopi

aprecio pa Aruba y hasta a yega di biba algun luna na Aruba.

Parlamentario Endy Croes a splica cu e lo informa Gobierno di e relacion y ideanan cu a combersa riba nan pa

riba nivel di gobierno por acelera y trata na cristalisa esakinan den 2020 como un “boost extra” pa nos
economia. Tur cu tur por mira atras riba un reunion di Euro Lat fructifero estrechando nos networking pa
Aruba y sigur tabata un honor pa Parlamentario Endy Croes representa Presidente di Parlamento den e reunion
aki cu un cantidad di otro presidentenan di Parlamento Europeo y Latino Americano.