Page 44 - FDLP

Continental Absoluto de las Americas cu e aña aki lo tuma luga na Montevideo,
Uruguay. E campeonato di ahedrez aki ta conoci como un di esunnan mas
grandi den nos continente y den pasado varios biaha Aruba a participa na esaki.

E prome rond lo start diabierna dia 1 di Juni mientras e ultimo buelta lo wordo
hunga dia 10 di Juni. Mester bisa cu na e campeonato di ahedrez aki, e miho

atletanan di henter e continente America lo ta presente y p’esey mes tambe a
otorga Aruba un cupo pa participa na e campeonato di taya cu lo conta cu

alrededor di 120 participante. Pa e hoben Ilya Stetsenko esaki sin duda lo bira
un experencia unico unda e lo enfrenta e mihonan.

Nos atletanan di ahedrez ta conoci pa presta bon internacionalmente.
Recientemente un delegacion di Aruba a competi den e 7th Carfita Junior Chess

Championship 2018 na Surnam unda nos atletanan a haci un tremendo papel.
Dos aña pasa Aruba a logra un di dos luga overall den e Carifta na St. Croix

triunfando cu 7 medaya y 4 trofeo overall.

Stichting Sportsubsidie Aruba a subsidia e biahe di e atleta Ilya Stetsenko pa
Campeonato Continental Absoluto di ahedrez na Uruguay.

Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su

hungadonan y na mes momento inverti den deporte local pa medio di
donacionnan na e Stichting Sportsubsidie Aruba.