Page 23 - AHATA

Den Colony gobierno tin diferente proyecto cu ta bay ranca sali. Entre otro for di e area

di Baby Beach bin abao te cu pier. Minister di turismo, Dangui Oduber, a splica cu for di

aña pasa a anuncia un bunita proyecto na Baby Beach.

Intension y meta di e proyecto aki ta amplia e beach, haci’e mas grandi, mas espacioso pa

comunidad por haci uzo di Baby Beach. Kier crea facilidad pa local y tambe pa

turistanan. Kier crea mas espacio di parkeo.

Kier embeyece e beach. Kier upgrade henter area. A anuncia e proyecto aki aña pasa y e

groundbreaking a tuma luga den fin di luna di november. E proyecto a bay destaho
publico y gegund.

Dentro di algun siman oficialmente e proyecto lo cuminsa. Plannan mester a wordo

ahusta un tiki, pero e ta un bunita proyecto pa nos comunidad y un bunita proyecto pa

turistanan. Banda di esey ta bay drecha e piernan tambe na Rogers Beach.

Tambe ta un proyecto cu ta wordo financia door di Tourism Product Enhancement Fund.

Tur esaki pa prepara San Nicolas pa e desaroyo turistico cu ta na caminda. Ta haya tur

dia acercamento di inversionistanan local pa inverti den proyectonan hotelero.

Manera ta conoci Secrets tabata tin un groundbreaking algun luna atras tambe. Maneho di

ministerio di turismo ta dirigi riba desaroyonan estilo Boutique Hotel, hotelnan chikito di

calidadnan hopi halto cu un impacto hopi abao riba tur e preocupacionnan cu tin awor

aki.