Page 15 - AWEMAINTA
P. 15
Diaranson, 30 October 2019 AWEMainta 15
80 Boluntario a participa den Kiwanis Club of
Aruba su K-One Day na Misa Santa Teresita
DIASABRA ultimo a tuma lugar e
evento anual di Kiwanis K- One Day.
Riba e dia aki Kiwanis Club of Aruba
hunto cu su “Service Leadership Pro-
grams” a haci un proyecto hunto cu e
meta pa finaliza esaki den un dia.
Rond mundo riba e mesun dia aki tur
club di Kiwanis ta haci un proyecto
grandi comunitario. E idea ta cu tur
club ta socializa cu otro y alabez duna
bek na nan comunidad.
Na Aruba e boluntarionan cu a forma
parti di e Kiwanis ONE Day; Kiwanis
Club of Aruba y su 5 “service Lead-
ership Programs”; Kiwanis Circle
K of Colegio EPI, Kiwanis Key Club
Colegio Arubano, Kiwanis Key Club
Colegio San Nicolas, Kiwanis Build-
ers Club Mon Plaisir, Kiwanis Ak-
tion Club Sonrisa. Diasabra cumin-
sando for di 6’or di mainta un grupo
di 80 boluntario a bini hunto, Un to-
tal di 576 ora di servicio comunitario
cu a wordo dedica n’e proyecto aki.
E aña aki e comision di “Kiwanis
One Day” di Kiwanis Club of Aruba a
scoge como proyecto pa duna un “face-
lift” na Misa Santa Teresita na San
Nicolas. E proyecto tabata encera cu
tur e miembronan a drecha, schuur y
verf e muraya y bentanan di e misa.
Cu e proyecto aki Kiwanis Club of
Aruba kier contribui di un manera
positivo cu comunidad di San Nicolas.
Kiwanis Club of Aruba kier a gradici
tur e miembronan cu a haci Kiwanis
ONE Day uno exitoso. Danki special
ta bay pa WEMA y na tur esnan cu
di un of otro manera a duna un man
p’asina logra realisa e proyecto.
