Page 22 - KPA 31 MAART 2016
P. 22
Un morto y un herido den accidente na Hooiberg
Wednesday, 30 March 2016 01:27
Comparti
Diaranson marduga alrededor di 12:50am a sosode un accidente fatal riba verlenging di Caya G.F Betico
Croes. Un persona masculino probablemente e persona tras di stuur a fayece riba e caminda di
Oranjestad pa Sta. Cruz. Segun testigo chauffeur di e Toyota Soarer lo a perde control di su vehiculo
pasando e bocht pariba di Maiky's bay dal muraya di Hooiberg Plaza, dal un pal'i luz.
Finalmente e auto cu stuur na man drechi (RHD) riba velocidad halto a spin for di control bay para
pabou di Hooiberg Supermarket. E impacto tabata asina fuerte cu tur dos persona den auto a keda
expulsa for di e vehiculo, un a fayece n'e sitio mes. Un otro homber a resulta gravemente herida y
personal di Ambulance a transporte cu urgencia pa Hospital. Dokter na Warda a keda yama pa constata
morto. Pa algun ora Polis a cera e area pa investigacion.
